தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கௌதம் வாசுதேவ் மேனன் இயக்கத்தில் 'துருவ நட்சத்திரம்', 'வாலு' பட இயக்குநர் விஜய் சந்தர் இயக்கத்தில் 'ஸ்கெட்ச்' என ஒரே நேரத்தில் இரண்டு படங்களில் நடித்து வருகிறார் விக்ரம். இரண்டு படங்களில் விக்ரம் நடிக்க ஆரம்பித்தால் ஒரு படம் முடங்கிவிடும் என்பது கடந்த காலங்களில் கண்ட காட்சிகள்.
கௌதம் வாசுதேவ் மேனன் இயக்கத்தில் நடித்து வந்த 'துருவ நட்சத்திரம்' படத்தின் படப்பிடிப்பு வேலைகள் இன்னும் முடிவடையவில்லை. அந்தப் படம் இப்போது முடிய வாய்ப்பில்லை என்பதால், 'ஸ்கெட்ச்' படத்திற்கான படப்பிடிப்பு வேலைகளை விரைவில் முடிக்க திட்டமிட்டுள்ளாராம் விக்ரம்.
தமன்னா கதாநாயகியாக நடிக்கும் இப்படத்தின் வசனக்காட்சிகள் படமாக்கப்பட்டுவிட்ட நிலையில், இன்னும் இரண்டு பாடல்களுக்கான படப்பிடிப்பு மட்டுமே பாக்கி. விக்ரம், தமன்னா பங்குபெறும் அந்த இரண்டு பாடல் காட்சிகளுக்கான படப்பிடிப்பையும் ஜூலை 15ஆம் தேதிக்குள் முடிக்க திட்டமிட்டுள்ளனர்.
தொடர்ந்து போஸ்ட் புரொடக்ஷன் பணிகளில் கவனம் செலுத்த உள்ளனார். திட்டமிட்டபிடி அனைத்து வேலைகளும் முடிவடைந்தால், ஏற்கெனவே முடிவு செய்தபடி ஆயுத பூஜை விடுமுறையில் 'ஸ்கெட்ச்'சை ரிலீஸ் செய்யத் திட்டமிட்டிருக்கிறாராம் தயாரிப்பாளர் கலைப்புலி எஸ்.தாணு.
சிவகார்த்திகேயனின் வேலைக்காரனுக்கு போட்டியாக ஸ்கெட்ச் களமிறங்குகிறது. ஏற்கனவே ஏ.ஆர்.முருகதாஸ் இயக்கும் ஸ்பைடர் போட்டியில் உள்ளது.