கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் | நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் | விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி |
நடிகை தேவயானியின் தம்பி நகுல். பாய்ஸ் படத்தில் குண்டு பையனாக அறிமுகமானவர். பல வருட இடைவெளிக்கு பிறகு காதலில் விழுந்தேன் படத்தில் திடீரென ஸ்லிம்மாக மாறி ஹீரோவாக அறிமுகமானார். அந்தப் படம் ஓரளவுக்கு வெற்றி பெற்றது.
அதன் பிறகு அவர் நடித்த மாசிலாமணி, கந்தகோட்டை, நான் ராஜாவாக போகிறேன், படங்கள் அவருக்கு கை கொடுக்கவில்லை. வல்லினம், தமிழுக்கு எண் ஒன்றை அழுத்தவும் படங்கள் பரவலாக பேசப்பட்டாலும் அடுத்து வந்த நாரதன் படம் அவரை மீண்டும் கீழே தள்ளியது. அதன் பிறகு திருமணம் செய்து கொண்டு சில காலம் விலகி இருந்தவர். இப்போது பிரம்மா.காம் என்ற படத்தின் மூலம் மீண்டும் வருகிறார்.
இதில் ஆஸ்னா ஜவேரி, கே பாக்யராஜ், கௌசல்யா, நீது சந்திரா, சோனா, உபாசனா, நான் கடவுள் ராஜேந்திரன், ஜெகன், சித்தார்த் விபின், பிரேம ப்ரியா, ஸ்ரீராம் மற்றும் பலர் நடிக்கிறார்கள். கதை, திரைக்கதை, வசனம் எழுதி இயக்குகிறார் புருஷ் விஜயகுமார். தீபக் குமார் பாதே ஒளிப்பதிவை கவனிக்க, சித்தார்த் விபின் இசையமைக்கிறார். படம் பற்றி இயக்குனர் புரூஷ் விஜயகுமார் கூறியதாவது:
இது பேண்டசி வித் காமெடி படமாக உருவாகியிருக்கிறது. மனிதருக்கும், இறைவனுக்கும் இடையே நடைபெறும் ஓர் உரையாடலை மையமாக வைத்து படத்தின் திரைக்கதையை அமைத்திருக்கிறேன். படத்தில் இடம்பெறும் நட்சத்திரங்கள் வழக்கமான பாணியில் தோன்றாமல் வித்தியாசமாக தோற்றமளிப்பார்கள். சுருக்கமாக சொல்ல வேண்டுமானால் இது கம்ப்யூட்டர் காலத்திய திருவிளையாடல் என்றும் சொல்லலாம். இது ரசிகர்களை உற்சாகமடைய வைக்கும். என்றார்.