டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இந்தியத் திரையுலகில் இதற்கு முன் இப்படி ஒரு சாதனை நிகழ்ந்ததில்லை என்று சொல்லுமளவிற்கு 'பாகுபலி 2' படத்தின் டிரைலர் வெளியான அந்த நிமிடத்திலிருந்து அடுத்தடுத்து பல புதிய சாதனைகளைப் படைத்தது. அந்த சாதனைகளில் மேலும் ஒரு மணிமகுடமாக 'பாகுபலி 2' படத்தின் தமிழ், தெலுங்கு, ஹிந்தி, மலையாளம் ஆகிய மொழிகளின் டிரைலர்கள் யு டியுபில் மொத்தமாக 15 கோடி பார்வைகளைக் கடந்து சாதனை படைத்துள்ளன.
'பாகுபலி 2' தெலுங்கு டிரைலர் இதுவரை 5 கோடியே 59 லட்சத்திற்கும் கூடுதலான பார்வைகளைப் பெற்றுள்ளது. ஆனால், ஹிந்தியில் டப்பிங் ஆன இந்தப் படத்தின் டிரைலர் தெலுங்கை விட 2 கோடி அதிகம் பார்வைகளைப் பெற்று 7 கோடியே 10 லட்சத்திற்கும் கூடுதலான பார்வைகளைப் பெற்றுள்ளது. தமிழ் டிரைலர் 2 கோடியே 11 லட்சத்திற்குக் கூடுதலாகவும், மலையாளம் டிரைலர் 42 லட்சம் பார்வைகளையும் பெற்றுள்ளது. இவை யு டியுபில் பெற்ற பார்வைகளின் எண்ணிக்கை மட்டுமே. இன்னும் ஃபேஸ்புக் உள்ளிட்ட சமூக வலைத்தளங்களின் பார்வைகளைக் கணக்கிட்டால் அது இன்னும் கூடுதலாக வரும்.
'பாகுபலி 2' படத்தின் டிரைலர் சாதனையை அடுத்து எந்தப் படம் முறியடிக்கப் போகிறது என்பதுதான் திரையுலகினர் மற்றும் ரசிகர்களின் கேள்வி. அந்த ஒரு வாய்ப்பு ரஜினிகாந்த் நடித்து வெளிவர உள்ள '2.0' படத்திற்கு மட்டுமே இருப்பதாக பலரும் சொல்லி வருகிறார்கள். அதற்கு நாம் இன்னும் சில மாதங்கள் வரை காத்திருக்க வேண்டும்.