இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
விஜய் நடித்த படங்கள் பற்றிய ஒவ்வொரு தகவல்கள் வெளியாகும்போது அதை அவரது ரசிகர்களும் டிரண்ட் செய்து கொண்டாடி வருகிறார்கள். இந்நிலையில், இன்று ஜூன் 22-ந்தேதி விஜய்யின் பிறந்த நாள் என்பதால், நேற்று மாலை 6 மணிக்கு அட்லி இயக்கத்தில் விஜய் நடித்து வரும் அவரது 61வது படத்தின் டைட்டீல் மெர்சல் என்று அறிவிக்கப்பட்டது. கூடவே விஜய்யின் பர்ஸ்ட் லுக்கும் வெளியானது.
மேலும், நெல்லையைச்சேர்ந்த விஜய் ரசிகர்கள் 4 ஆயிரம் அடியில் விஜய்யின் அதிரடி பேனர் ஒன்றை வெளியிட்டு மாஸ் காட்டியுள்ளனர். அதில் மக்கள் இயக்க தலைவரே, முடிசூடா மன்னனே, தங்கத்தளபதியே என்பது போன்ற பல்வேறு வாசகங்களும் இடம்பெற்றிருக்கிறது.
இந்நிலையில், நேற்று வெளியான மெர்சல் பர்ஸ்ட் லுக் போஸ்டரில் தளபதி விஜய் என்று அவரது பெயர் இடம்பெற்றிருக்கிறது. இதுவரை இளைய தளபதி என்றே அழைக்கப்பட்டு வந்த விஜய்க்கு, இந்த படத்தில் தளபதியாக பிரமோஷன் கொடுக்கப்பட்டிருக்கிறது. அதனால் விஜய் பிறந்த நாள், மெர்சல் என்ற தலைப்பு, அப்படத்தின் பர்ஸ்ட் லுக் மற்றும் இளைய தளபதி விஜய் தளபதியாக உயர்வு பெற்றது என பல சந்தோசங்களை இன்றைய தினம் விஜய்யின் ரசிகர்கள் கொண்டாடி வருகிறார்கள்.