இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
சட்ட விரோதமாக, அனுமதியின்றி கட்டப்பட்ட, பிரபல பாலிவுட் நடிகர் அர்ஷத் வார்சியின் பங்களாவை, மும்பை மாநகராட்சி அதிகாரிகள் இடித்து தள்ளினர்.
பிரபல பாலிவுட் நடிகர் அர்ஷத் வார்சி, 49; லகே ரஹோ முன்னாபாய், முன்னாபாய் எம்.பி.பி.எஸ்., உட்பட, பல படங்களில் நகைச்சுவை வேடங்களில் நடித்து உள்ளார். மும்பை வெர்சோவா பகுதியில், ஏர் - இந்தியா நிறுவன ஊழியர் ஒருவரிடமிருந்து, ஒரு பங்களாவை சமீபத்தில், வார்சி வாங்கினார். இந்த பங்களாவை புதுப்பிக்க முடிவு செய்தார். அப்போது, மாநகராட்சியின் அனுமதியின்றி, விரிவுபடுத்தி கட்டினார். இது குறித்து, ஏர் - இந்தியா கூட்டுறவு வீட்டு வசதி சங்கம், மும்பை மாநகராட்சியில் புகார் செய்தது.
இது பற்றி விசாரித்த மாநகராட்சி நிர்வாகம், அனுமதியின்றி கட்டப்பட்ட பகுதிகளை இடிக்க முடிவு செய்தது. வார்சியின் பங்களாவை இடிக்க, புல்டோசருடன், அதிகாரிகள் சென்றனர்; ஆனால், வீட்டில் யாரும் இல்லை; வீடும் பூட்டப்பட்டிருந்தது. இதையடுத்து, அனுமதியின்றி கட்டப்பட்ட கட்டடத்தின் ஒரு பகுதியை, அதிகாரிகள் இடித்தனர்.
மாநகராட்சி அதிகாரி ஒருவர் கூறுகையில், வீட்டில், நடிகர் வார்சி இல்லாததால், ஒரு பகுதியை மட்டும் இடித்தோம். மற்ற பகுதிகள், விரைவில் இடிக்கப்படும் என்றார்.