இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
சிறு படங்களின் நாயகியாக இருந்த தன்ஷிகா ஜனநாதன் இயக்கிய பேராண்மை படத்தின் மூலம் கவனம் பெற்றார். அதன் பிறகு பாலா இயக்கிய பரதேசி, வசந்தபாலன் இயக்கிய அரவாண் படங்கள் மூலம் பிரபலமானார்.ரஜினியுடன் கபாலி படத்தில் நடித்த பிறகு இன்னும் பிரபலமானார்.
இதுவரை பிற மொழிப் படங்களில் நடிக்காமல் இருந்த தன்ஷிகா இந்த ஆண்டு மலையாளம், இந்தி, தெலுங்கு, கன்னட படங்களில் அறிமுகமாகிறார். இதுகுறித்து தன்ஷிகா கூறியதாவது: 'காலக்கூத்து' என்ற படத்தில் மதுரை பெண்ணாக நடிக்கிறேன். கல்லூரிக்கு செல்லும் பெண்ணாக நடித்திருக்கிறேன். இதிலும் எனக்கு கலையரசன் தான் ஜோடியாக நடிக்கிறார். பல ஆண்டுகளாக மதுரையில் ஒரு பெண் காதலில் விழுந்துவிட்டால்..அந்த பெண்ணை அவரது குடும்பத்தினர் எப்படி அணுகுகிறார்கள்? என்ற எண்ணவோட்டத்தை அசலாக மண் மணம் மாறாமல் பிரதிபலிப்பது போலிருக்கும் கதையிது. இதனை நாகராஜ் என்ற புதுமுக இயக்குநர் இயக்கியிருக்கிறார். இவரும் இந்த மண்ணைச் சேர்ந்தவர் தான். யாரிடமும் உதவியாளராக பணியாற்றாமல் இயக்கும் படமிது.
இயக்குநர் மீரா கதிரவனின் இயக்கத்தில் 'விழித்திரு'-வில் வட சென்னை குடிசைப்பகுதியில் வாழும் பெண்ணாக நடித்திருக்கிறேன். முதன்முதலில் இந்த படத்தில் காமெடி கலந்து நடித்திருக்கிறேன்.. 'டேவிட்' என்ற படத்தை இயக்கிய பிஜோய் நம்பியார் இயக்கும் 'சோலோ' என்ற படத்தில் ஒரு அற்புதமான கேரக்டரில் நடித்திருக்கிறேன். அதில் கண் பார்வையற்ற பெண்ணாகவும், நடனக் கலைஞராகவும் சவாலான கேரக்டரில் நடித்திருக்கிறேன். எனக்கு ஜோடியாக துல்கர் சல்மான் நடித்திருக்கிறார்.
தெலுங்கில் 'வாலுஜடா..' என்ற படத்திலும், கன்னடத்தில் சுனில் குமார் தேசாய் என்பவரின் இயக்கத்தில் உருவாகும் 'உத்கர்ஷா' என்ற படத்திலும் நடிக்க ஒப்புக்கொண்டிருக்கிறேன். ஹிந்தியில் நடிக்க பேச்சுவார்த்தை நடந்து வருகிறது. எந்த மொழியில் நடித்தாலும் கதை தான் முக்கியம். கதை நன்றாக இருந்தால் மொழி கடந்தும் நடிப்பேன். என்கிறார் தன்ஷிகா.