ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
சிவா இயக்கத்தில் அனிருத் இசையமைப்பில் அஜித், காஜல் அகர்வால், அக்ஷரா ஹாசன், விவேக் ஓபராய் மற்றும் பலர் நடிக்கும் 'விவேகம்' படத்தின் 'சர்வைவா...' பாடல் நேற்று ஐ-டியூனில் வெளியிடப்பட்டது. பாடலின் டீசர் கடந்த வாரம் யூ டியூபில் வந்த போதே வரவேற்ற அஜித் ரசிகர்கள், இந்தப் பாடல் முழுவதையும் நேற்று கேட்டு பாராட்டித் தள்ளி வருகிறார்கள்.
அதற்குக் காரணம் பாடல் வித்தியாசமாக அமைந்திருப்பது மட்டுமல்ல, பாடலின் வரிகளும் அவர்களை வெகுவாகக் கவர்ந்துள்ளது என்பதும்தான். ராப் வகைப் பாடலாக இருப்பதால் வார்த்தைகளைக் கொஞ்சம் கஷ்டப்பட்டுத்தான் புரிந்து கொள்ள வேண்டியிருக்கிறது. இருந்தாலும் அஜித்திற்காகவே எழுதப்பட்ட பாடல் என்பது பாடலைக் கேட்பதில் புரிந்து கொள்ள முடிகிறது.
“சரித்திரம் புரட்டு..
போராட்டம் பல்லாயிரம்..
தடைகள் வென்றவர் யார்
சாமானியன் எல்லாரும்
இருட்டுப் பாதைகளில்..
தன்னம்பிக்கை தீப்பந்தம்
துணிந்தவன் மதி வெல்லும்
பாடங்கள் கற்றதால்
விழ விழ நான் எழுவேன்
முதுகெலும்பு சிதைந்தும்
தொடுவோம் சிகரம்
வருங்காலம் நம்மைப் போற்றுமடா..
என பாடலின் ஆரம்ப வரிகளே 'ஹீரோயிசத்துடன்' அட்டகாசமாக அமைந்துள்ளது.
நமக்கு நிகர் இல்லை ஒருவர்..
முயன்றால்தான் சாத்தியம், நிறுத்தாதே..
மேன்மைதான் லட்சியம்..
வாழ்க்கையில் நோ ரிக்ரெட்ஸ்..
தொடுவோம் சிகரம்..என அடுத்தடுத்த வரிகளும் யாருக்கோ சேர்த்தும் எழுதப்பட்டிருக்கிறது.
ஆண்டவன்...Bless me higher..
Everytime we walk through fire
Enemies want we retire... என அஜித்தின் எதிரிகளையும் குறி வைக்கிறது பாடலின் வரிகள்.
நான் பண்பானவன்..
தோல்வி உந்தன் படிக்கட்டு..
உச்சம் ஏறி கொடிகட்டு..
வெற்றி வாகை சூடி...
என ஆங்கிலமும், தமிழும் கலந்த இந்த 'ராப்' பாடல் இந்தக் கால இளைஞர்களைக் கவரும் விதத்தில் உருவாக்கப்பட்டுள்ளது.
அஜித் ரசிகர்களுக்கு எப்படிப்பட்ட பாடல் இருந்தால் கொண்டாடுவார்களோ, அதை மனதில் வைத்து இசையமைத்திருக்கிறார் இசையமைப்பாளர் அனிருத்.
யோகி பி, மாலி மனோஜ் இந்தப் பாடலைப் பாடியிருக்கிறார்கள்.
இன்னும் சில காலங்களுக்கு இந்தப் பாடல்தான் அஜித் ரசிகர்களின் 'தெறிக்கவிடும்' கீதம்.