டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
தமிழ்த் திரையுலகில் நான்கு வருடங்களுக்குப் பிறகு ஒரு படத்தின் படப்பிடிப்பு நடப்பது இதுவே முதல் முறையாக கூட இருக்கலாம். ஆம், கமல்ஹாசன் இயக்கி நடிக்கும் 'விஸ்வரூபம் 2' படத்தின் படப்பிடிப்பு தற்போது துருக்கி நாட்டில் நடந்து வருகிறது. 'விஸ்வரூபம்' படத்தின் முதல் பாகம் 2013ம் ஆண்டு ஜனவரி 25ம் தேதி வெளியானது.
முதல் பாகத்தின் படப்பிடிப்புடன் சேர்த்தே இரண்டாம் பாகத்தின் பெரும்பாலான காட்சிகளின் படப்பிடிப்பை 2012ம் ஆண்டிலேயே கமல்ஹாசன் முடித்துவிட்டார். முதல் பாகம் சில அரசியல் காரணங்களால் திட்டமிட்டபடி தமிழ்நாட்டில் வெளியாகாமல் ஒரு வாரம் கழித்துதான் வெளியானது. அதன்பின் அந்த ஆண்டின் கடைசியில் இரண்டாம் பாகம் வெளியாகும் என்று எதிர்பார்க்கப்பட்டது. ஆனால், படத்தின் தயாரிப்பாளருக்கும், கமல்ஹாசனுக்கும் இடையில் பிரச்சனை வந்ததால் இரண்டாம் பாகத்தின் வெளியீடு அப்படியே நின்று விட்டது.
சில வாரங்களுக்கு முன்புதான் அனைத்துப் பிரச்சனைகளும் பேசி முடிக்கப்பட்டன. அதன்பின் கமல்ஹாசன் தற்போது துருக்கி சென்று படப்பிடிப்பை நடத்தி வருகிறாராம். பின் சென்னையில் சில காட்சிகள் படமானதும் படப்பிடிப்பு முழுவதும் முடிந்துவிடுகிறது. ஒரே சமயத்தில் தமிழ், தெலுங்கு, ஹிந்தி ஆகிய மொழிகளில் படத்தை வெளியிட திட்டமிட்டுள்ளார்கள்.