டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
பாரதிராஜாவால் தமிழ் சினிமாவில் அறிமுகம் செய்யப்பட்டு, "இது தாண்டா போலீஸ்", போன்ற பல வெற்றி படங்களில் நடித்தவர் ராஜசேகர். தமிழ் மட்டுமல்லாது தெலுங்கிலும் ஏராளமான வெற்றி படங்களில் நடித்திருக்கிறார். இவர் நடிகை ஜீவிதாவை காதலித்து திருமணம் செய்து கொண்டார். இவர்களுக்கு இரண்டு மகள்கள் உள்ளனர். மூத்தவர் ஷிவானி, இளையவர் ஷிவாத்மிகா. இவர்களில் டாக்டர் படித்து வரும் ஷிவானி, அப்பா - அம்மாவை போல் சினிமாவில் களம் இறங்க உள்ளார். இவர் நடிக்கும் முதல்படம் தமிழில் உருவாக உள்ளது.
சினிமாவில் நடிப்பது பற்றி ஷிவானி கூறியிருப்பதாவது... "அப்பா-அம்மா இருவரும் நடிகர்கள் என்பதால் சினிமா பற்றியும், நடிப்பு பற்றியும் சின்ன வயதில் இருந்தே தெரியும். பரதநாட்டியம், குச்சிபிடி போன்ற நடன வகுப்புகளுக்கு சென்று வருகிறேன். இசையிலும் எனக்கு ஆர்வம் உண்டு. கீ போர்ட், கிடார், வீணை ஆகியவற்றை நன்றாக வாசிப்பேன். நானும் தங்கை ஷிவாத்மிகாவும் கிக் பாக்சிங் படித்து வருகிறோம். நான் பொறந்தது மட்டும் தான் தமிழ்நாடு, வளர்ந்தது எல்லாம் ஐதராபாத்தில் தான். உறவினர்கள் நிறையபேர் சென்னையில் இருக்கிறார்கள், அவர்களுடன் தமிழில் தான் பேசுவேன். நான் இப்போது மருத்துவம் 3வது வருடம் படித்து வருகிறேன். நிறைய தமிழ் படங்கள் பார்ப்பேன். தனுஷ், விஷால், விஜய்சேதுபதி போன்றவர்களை எனக்கு ரொம்ப பிடிக்கும். தனுஷின் 3 படத்தை பார்த்து அழுதிருக்கிறேன். இருந்தாலும் என்னுடைய ஆள் டைம் ஹீரோ அப்பா தான். முதலில் டாக்டர் ஆகிவிட்டு, அப்புறம் ஆக்டர் ஆகிவிடுவோம்" என்கிறார் ஷிவானி.