ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
படத்தின் வெளியீட்டு தேதியை, தயாரிப்பாளர் சங்கத்தில் பதிவு செய்ய வேண்டும் என, விஷால் உத்தரவிட்டுள்ளார். சிறு பட்ஜெட் படங்களை காப்பாற்றவும், ஒரே நாளில் அதிக படங்கள் வெளியாகி, நஷ்டம் அடைவதை தடுக்கவும், தமிழ் திரைப்பட தயாரிப்பாளர் சங்க தலைவர் விஷால், புது உத்தரவு பிறப்பித்துள்ளார். படத்தின் வெளியீட்டு தேதியை, முன்கூட்டியே தயாரிப்பாளர் சங்கத்தில் பதிவு செய்ய வேண்டும் என, அனைத்து தயாரிப்பாளர்களுக்கும் அறிவுறுத்தியுள்ளார்.
இதுகுறித்து, சங்க நிர்வாகிகள் கூறியதாவது: திரைப்பட வெளியீடு சம்பந்தப்பட்ட பிரச்னைகளுக்கு, நிரந்தர தீர்வு காண, முயற்சி எடுத்து வருகிறோம். 2018 ஜன., வரையில், வெளியீட்டுக்கு தயாராக உள்ள படங்களின் வெளியீட்டு தேதியை, சங்க அலுவலகத்தில் பதிவு செய்ய வேண்டும் என, கூறியுள்ளோம். முன்னணி நடிகர்களின் படங்கள் வெளியாகும் போது, சின்ன பட்ஜெட் படங்கள் அதிகம் பாதிக்கிறது. இதனால், பட வெளியீடு தள்ளிப் போவதோடு, தயாரிப்பாளர்களுக்கு நஷ்டமும் ஏற்படுகிறது. சின்ன பட்ஜெட் படங்களை காக்கவும், படங்களின் நஷ்டத்தை சரி செய்யவும், இந்த புதிய முறை அமல்படுத்தப்பட்டுள்ளது.இவ்வாறு கூறினர்.