தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
சுந்தர்.சி இயக்கத்தில் மிக பிரமாண்டமாக உருவாக இருக்கும் வரலாற்று படமான 'சங்கமித்ரா' படத்தில் இருந்து ஸ்ருதிஹாசன் விலகியதற்கு அவர் என்னவேண்டுமானாலும் காரணங்களையும் சாக்கு போக்குகளையும் சொல்லட்டும்.. ஆனால் மிகப்பெரிய வாய்ப்பை அவர் உதாசீனப்படுத்தி விட்டார் என்றே சோஷியல் மீடியாக்கள் அவரை விமர்சிக்கின்றன.. அடுத்தததாக ஸ்ருதிஹாசனுக்கு பதிலாக யார் நடிக்க உள்ளார் என இன்னும் படக்குழுவினர் அறிவிக்காத நிலையில் ஹன்ஷிகா நடிப்பார், தமன்னா நடிப்பார் என ஒருபக்கம் யூகங்கள் கிளம்ப ஆரம்பித்தன.
இன்னொரு பக்கமோ சங்கமித்ரா கேரக்டரில் நடிக்க பொருத்தமான நடிகை யாரென சோஷியல் மீடியாவிலேயே வாக்கெடுப்பும் கூட நடத்த ஆரம்பித்துவிட்டார்கள்.. இந்த வாக்கெடுப்பில் அதிக வாக்குகள் பெற்றது நயன்தாரா தானாம். தற்போது ஹீரோயின் கதைகளுக்கு மட்டுமே முக்கியத்துவம் கொடுத்து நடித்துவரும் நயன்தாரா தான் சங்கமித்ராவாக நடிக்க சரியாக இருப்பார் என்றே பலரும் குறிப்பிட்டுள்ளார்கள். அதுமட்டுமல்ல, சுந்தர்.சி இயக்கத்தில் அவர் இதுவரை நடிக்காவிட்டாலும் கூட, படத்தின் ஹீரோக்களாக நடிக்க இருக்கும் ஆர்யா, ஜெயம் ரவி இருவரும் நயன்தாராவின் நெருங்கிய நண்பர்கள் என்பதாலும் கூட இந்தப்படத்தில் நடிக்க சம்மதிக்க வாய்ப்புள்ளதாகவும் சொல்லப்படுகிறது. யாருக்கு அதிர்ஷ்டம் இருக்கிறதோ பார்க்கலாம்..