தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
பா. ரஞ்சித் இயக்கத்தில் ரஜினிகாந்த் முதன் முறையாக நடித்த 'கபாலி' படத்தின் படப்பிடிப்பு பெரும் பகுதி மலேசியாவில் நடந்தது. அங்கு படப்பிடிப்பு ஆரம்பமான சில நாட்களிலேயே அடிக்கடி 'கபாலி' படத்தின் படப்பிடிப்புக் காட்சிகள் சமூக வலைத்தளங்களில் வெளியானது. தொடர்ந்து பலரும் அதை வெளியிட ஆரம்பித்தார்கள். ஒரு கட்டத்தில் ரஜினிகாந்த் தரப்பிலிருந்து ரசிகர்களுக்கு வேண்டுகோள் விடுக்க, அதன் பிறகே அப்படிப்பட்ட காட்சிகள் வெளியானது குறைந்து போனது.
இப்போது, பா. ரஞ்சித் இயக்கத்தில் ரஜினிகாந்த் மீண்டும் நடிக்கும் 'காலா' படப்பிடிப்பு மும்பையில் ஆரம்பமானது. படப்பிடிப்பு ஆரம்பமான நாளிலிருந்து தொடர்ந்து படப்பிடிப்புக் காட்சிகள் வெளியாகி வருகின்றன. தினமும் நான்கைந்து புகைப்படங்களாவது சமூக வலைத்தளங்களில் வந்துவிடுகின்றன.
அனைவருடைய கையிலும் விலை உயர்ந்த தரமான ஸ்மார்ட் போன்கள் இருப்பதால் மிகவும் தொலைவில் இருந்தால் கூட ரஜினிகாந்தை புகைப்படம் எடுத்து சமூக வலைத்தளங்களில் பரப்பிவிடுகின்றனர்.
'கபாலி' படத்திற்கு இதே போன்ற நிலைமை வந்த போது ரஜினிகாந்த் தரப்பிலிருந்து அப்படி வெளியிடாதீர்கள் என்ற கோரிக்கை வந்தது. ஆனால், 'காலா' படம் ஏறக்குறைய ரஜினி குடும்பத்தின் தயாரிப்புதான். அப்படியிருக்கும் போது இன்னும் அவர்கள் தரப்பிலிருந்து எந்த ஒரு கோரிக்கையும் வராதது ஆச்சரியமாக உள்ளது.
அப்படியே கோரிக்கை வந்தாலும் அதை ஏற்றுக் கொண்டு 'காலா' படப்பிடிப்புக் காட்சி புகைப்படங்கள் வெளியிடுவதை நிறுத்துவார்களா என்பதும் சந்தேகம்தான். அடுத்த கட்டப் படப்பிடிப்பு சென்னையில், தனியார் ஸ்டுடியோவில் நடக்க உள்ளதால் இங்கு அப்படி வெளியாக வாய்ப்புகள் இல்லை.