டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
படம் வெளியான அன்றே... முதல்காட்சி ஓடி முடிவதற்குள்ளாகவே போலியான சக்சஸ் மீட் கொண்டாடப்பட்டு, அதை வெற்றிப்படம் போன்று விளம்பரம் செய்வது கோடம்பாக்கத்தில் வாடிக்கையாக இருக்கிறது. சமீபத்தில் கூட இரண்டு படங்களின் சக்சஸ் மீட் நிகழ்ச்சி நடந்தது. ஆனால், பல ஊர்களில் படம் வெளியான ஒரு சில நாட்களிலேயே அந்த படங்களை தூக்கிவிட்டனர் என்பதே உண்மை.
இப்படிப்பட்ட பொய்யான வெற்றிப்படங்களுக்கு மத்தியில் பாகுபலி-2 படம் உண்மையான வெற்றியை பெற்றது. இந்திய அளவில் பெரும் எதிர்பார்ப்போடு, ஏப்ரல் 28-ம் தேதி வெளியான படம் பாகுபலி 2. ராஜமௌலி இயக்கத்தில் பிரபாஸ், அனுஷ்கா, சத்யராஜ், ரம்யாகிருஷ்ணன், நாசர், ராணா, தமன்னா நடிப்பில் வெளியான பாகுபலி 2 திரைப்படம் வெளியாகி 5 வாரங்களை கடந்தும், தமிழகமெங்கும் பல தியேட்டர்களில் வசூலில் முதல் இடத்தில் உள்ளது.
எந்திரன் படத்தின் சாதனையை முறியடித்து முதல் இடத்தை பிடித்தது பாகுபலி 2. இதற்கு பிறகு பல படங்கள் வெளியானாலும், அந்தப் படங்களின் வசூலைப் பின்னுக்குத் தள்ளி இன்னமும் வசூலில் முதல் இடத்திலேயே நீடித்து வருகிறது பாகுபலி 2. இதில் என்ன வேடிக்கை தெரியுமா? பாகுபலி-2 கிடைக்காத தியேட்டர்களில் தான் சமீபத்தில் சக்சஸ் மீட் கொண்டாடிய படங்கள் ரிலீஸாகின. ஆனால், அந்தப் படத்தை தூக்கிவிட்டு தற்போது பாகுபலி-2 படத்தை திரையிட்டுள்ளனர்.
இதுதான் உண்மையான வசூல் சாதனை....!