ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' |
நடிகையர் திலகம் சாவித்ரியின் வாழ்க்கை வரலாறாக உருவாகும் 'மகாநதி' படத்தில் சாவித்ரியாக நடிக்கிறார் கீர்த்தி சுரேஷ். இரண்டு தினங்களுக்கு முன் துவங்கிய இந்தப்படத்தின் படப்பிடிப்பில் கலந்துகொண்ட கீர்த்தி சுரேஷின் புகைப்படங்கள் சோஷியல் மீடியாவில் லீக்கானது படக்குழுவினரை அதிர்ச்சிக்குள்ளாக்கியது. அதேசமயம் இன்னொரு பக்கம் கீர்த்தியின் 'சாவித்ரி' லுக்கை பார்த்து பவன் கல்யாண் ரசிகர்களும் அதிர்ச்சியடைந்துள்ளார்களாம்.
தற்போது பவன் கல்யாணின் 25வது படமாக உருவாகி வரும் 'பிஎஸ்பிகே-25' படத்தில் இரண்டு ஹீரோயின்களில் ஒருவராக நடிக்கிறார் கீர்த்தி சுரேஷ்.. திரிவிக்ரம் ஸ்ரீனிவாஸ் இயக்கிவரும் இந்தப்படத்தின் படப்பிடிப்பு கடந்த சில மாதங்களாக நடைபெற்று வருகிறது. தற்போது 'மகாநதி' படத்திற்காக சில கிலோக்கள் எடையை கூட்டியுள்ளார் கீர்த்தி சுரேஷ். அதுமட்டுமல்ல சாவித்ரி லுக்கில் கீர்த்தி சுரேஷை பார்த்த ரசிகர்கள் அதில் அவர் முக தோற்றம் ரொம்பவே மாறியிருப்பதாகவும் கருதுகிறார்கள்.
இதனால் ஒரே நேரத்தில் மகாநதி படத்திலும் பவன் கல்யாண் படத்திலும் கீர்த்தி சுரேஷ் மாறி மாறி நடித்தால் பவன் கல்யாணின் கமர்ஷியல் படத்திற்கு செட்டாகுமா என்கிற கவலை அவர்களுக்கு ஏற்பட்டுள்ளதாம். ஆனால் 'பிஎஸ்பிகே-25' தரப்பில் இருந்தோ கீர்த்தி சுரேஷ் நடிக்கும் பெரும்பாலான காட்சிகள் படமாக்கப்பட்டு விட்டதால் பிரச்சனை ஏதும் இல்லை என்று சொல்லப்படுகிறது..