சந்தானத்தின் இங்க நான் தான் கிங்கு படம் மே 10 ல் ரிலீஸ் | பைக் டாக்சி ஓட்டுனராக நடிக்கும் நக்ஷா சரண் | எழுத்தாளராக நடிக்கும் வெற்றி | ஈரோடு மகேஷ் இல்லையென்றால் சினிமாவில் நான் இல்லை : தமன்குமார் நெகிழ்ச்சி | அரசியல்வாதிகள் நல்லது செய்தால் நடிகர்கள் அரசியலுக்கு வரமாட்டார்கள் : விஷால் | பிளாஷ்பேக்: நடிகையை திருமணம் செய்த முதல் இயக்குனர் | அன்பே வா சீரியல் நடிகருக்கு திருமணம் | எதிர்நீச்சல் நடிகையின் ஜாலி டூர் கிளிக்ஸ் | நடன பள்ளி தொடங்கிய காயத்ரி - யுவராஜ் | தேர்தல் விதி மீறல் : விஜய் மீது சென்னை கமிஷனர் அலுவலகத்தில் புகார் |
ஏ.ஆர்.முருகதாஸ் இயக்கத்தில் மகேஷ்பாபு, ரகுல் ப்ரீத் சிங் மற்றும் பலர் நடிக்க 100 கோடி ரூபாய் செலவில் உருவாகி வரும் படம் 'ஸ்பைடர்'. இப்படத்தின் வசனக் காட்சிகள் படப்பிடிப்பு அடுத்த வாரத்தில் நிறைவடையும் என எதிர்பார்க்கப்படுகிறது. அதன் பின் இரண்டு பாடல் காட்சிகள் படமாக வேண்டியுள்ளது. முதலில் இப்படத்தின் வெளியீட்டை ஜுன் 23ம் தேதி வைத்திருந்தார்கள். ஆனால், படம் செப்டம்பர் மாதம்தான் வெளியாகும் என்று எதிர்பார்க்கப்படுகிறது.
'ஸ்பைடர்' படத்தின் தலைப்பு அறிவிப்பு மற்றும் முதல் பார்வையை கடந்த மாதம் வெளியிட்டார்கள். அதற்கு மிகப் பெரும் வரவேற்பு இருந்தது. அடுத்து படத்தின் டீசர் எப்போது வெளிவரும் என்று மகேஷ் பாபுவின் ரசிகர்கள் ஆவலுடன் எதிர்பார்த்துக் கொண்டிருக்கிறார்கள். தற்போது கிடைத்துள்ள தகவல்படி மே 31ம் தேதி இப்படத்தின் டீசர் வெளியாகலாம் என சொல்லப்படுகிறது.
மகேஷ் பாபுவின் அப்பா நடிகர் கிருஷ்ணாவின் பிறந்த தினமான அன்று மகேஷ் பாபு அவர் படம் சம்பந்தப்பட்ட ஏதாவது ஒரு விஷயத்தை அறிவிப்பதை வழக்கமாக வைத்திருக்கிறார். அதன்படி, அன்று 'ஸ்பைடர்' டீசர் வெளியாகலாம் என்கிறார்கள். 58 வினாடிகள் ஓடக் கூடிய டீசரை முருகதாஸ் தயார் செய்துவிட்டார் என்றும், அதில் மிரட்டலான கிராபிக்ஸ் காட்சிகள் இடம் பெற்றுள்ளது என்றும் சொல்கிறார்கள்.
'பாகுபலி 2' அல்லாத முந்தைய தெலுங்குப் படங்களின் சாதனையை 'ஸ்பைடர்' டீசர் முறியடிக்கும் என்று எதிர்பார்க்கப்படுகிறது.