இலவச மருத்துவமனை கட்டப்போகும் குக் வித் கோமாளி பாலா! | தாய்லாந்தில் பாக்சிங் பயிற்சி பெற்ற மீனாட்சி சவுத்ரி! | நயன்தாராவை பின்னுக்கு தள்ளிய திரிஷா! | மணமகனின் கழுத்தில் தாலி கட்டிய கவுரி கிஷன்! | மீண்டும் ரத்ன குமாருக்கு கிடைத்த வாய்ப்பு! | விஜய் சேதுபதி இயக்குனர் உடன் இணைந்த நயன்தாரா! | ஸ்டார் படத்தின் டப்பிங் பணிகளை முடித்த கவின்! | தனுஷ் படத்திற்கு நான்கு பாடல்களை முடித்த ஜி.வி.பிரகாஷ்! | நடிகர் கிஷன் தாசுக்கு திருமணம்: காதலியை மணக்கிறார் | தெலுங்கில் வெளியாகும் 'மஞ்சும்மேல் பாய்ஸ்' |
தனுஷ் தயாரிப்பில், ரஞ்சித் இயக்கத்தில், ரஜினி நடிக்கும் புதிய படத்திற்கு காலா - கரிகாலன் என்று பெயர் வைத்திருக்கிறார்கள்.
கபாலி படத்தின் வெற்றிக்கு பிறகு மீண்டும் ரஜினி - பா.ரஞ்சித் கூட்டணி இணைந்துள்ளது. இந்தப் படத்தில் பாலிவுட் நடிகை ஹிமா குரோஷி கதாநாயகியாக நடிக்கிறார். முக்கியமான ரோலில் சமுத்திரகனி நடிக்க இருக்கிறார். இது ரஜினி நடிக்கும் 164-வது படமாகும்.
படத்தின் பர்ஸ்ட் லுக்குடன் கூடிய தலைப்பை இன்று அறிவிப்பதாக நேற்று தனுஷ் அறிவித்திருந்தார். அதன்படி இன்று(மே 25-ம் தேதி) காலை 10 மணிக்கு தனுஷ், தனது டுவிட்டரில் ரஜினியின் 164-வது படத்தின் தலைப்பை வெளியிட்டார். படத்திற்கு காலா என்று பெயர் வைத்திருக்கிறார்கள், கூடவே கரிகாலன் என்ற அடைமொழியும் இடம்பெற்றுள்ளது. கரிகாலனின் சுருக்கம் தான் இந்த காலாவாம்.
கபாலி படத்தில் ஒரு போஸ்டரில் ரஜினி, ஆக்ரோஷமாக கத்துவது போன்று, காலா படத்தின் பர்ஸ்ட் லுக் போஸ்டரிலும் ரஜினி, பின்னணியில் ஆக்ரோஷமாக கத்த, சிவப்பு கலரில் காலா படத்தின் தலைப்பு இடம்பெற்றுள்ளது. போஸ்டரை பார்க்கும்போது இதுவும் ஒரு தாதா பின்னணியில் தான் உருவாக இருப்பதாகவே தோன்றுகிறது.
மும்பை தாராவி பின்னணியில் நடக்கும் கதை இது என்பதால் மும்பையில் படத்தின் முக்கிய காட்சிகளை படமாக்க உள்ளனர். பின்னர், சென்னையின் புறநகரான பூந்தமல்லியில் உள்ள ஈவிபி ஸ்டுடியோவில் போடப்பட்டுள்ள தாராவி குடிசை செட்டில் தொடர்ந்து படமாக்குகிறார்கள். கபாலியை தொடர்ந்து காலா படத்திற்கும் சந்தோஷ் நாராயணன் இசையமைக்கிறார்.
தமிழ் மட்டுமல்லாது தெலுங்கு, ஹிந்தி ஆகிய மொழிகளிலும் காலா படம் வெளியாகிறது. ஆகையால் சம்பந்தப்பட்ட மொழிகளிலும் காலா படத்தின் டைட்டிலை வெளியிட்டிருக்கிறார் தனுஷ். மேலும் காலா படத்தின் பர்ஸ்ட் லுக், இன்று மாலை 6 மணிக்கு வெளியாகும் என்று தனுஷ் தனது டுவிட்டர் பக்கத்தில் அறிவித்திருக்கிறார்.