தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
நிதேஷ் திவாரி இயக்கத்தில் ஆமீர்கான் நடிப்பில் கடந்த வருடம் டிசம்பர் மாதம் வெளிவந்த 'தங்கல்' படம் விமர்சன ரீதியாகவும், வசூல் ரீதியாகவும் பெரிய வரவேற்பைப் பெற்றது. இந்தியாவில் மட்டும் இந்தப் படம் சுமார் 380 கோடி ரூபாயை வசூலித்தது. உலகம் முழுவதும் சுமார் 700 கோடி ரூபாயை வசூலித்து 'பாகுபலி 2' படம் வெளிவரும் வரை முதலிடத்தில் இருந்தது.
கடந்த மாதம் 28ம் தேதி வெளிவந்த 'பாகுபலி 2' படம் இந்திய அளவில் வசூலில் முதலிடத்தைப் பிடித்து வைத்திருந்த 'தங்கல்' படத்தின் வசூலை முறியடித்து 400 கோடி ரூபாயைக் கடந்தது. தற்போது 500 கோடி ரூபாயை நோக்கி இப்படத்தின் வசூல் போய்க் கொண்டிருக்கிறது.
இதனிடையே, சீனாவில் வெளியான 'தங்கல்' படம் நல்ல வசூலைப் பெற்று வருவதாக பாலிவுட் வட்டாரங்கள் தெரிவிக்கின்றன. முதல் முறையாக ஒரு இந்தியப் படம் சீனாவில் 500 கோடி ரூபாய் வசூலைத் தாண்டியுள்ளதாக அவர்கள் தெரிவிக்கிறார்கள். இதன் மூலம் 'தங்கல்' படத்தின் வசூல் இந்திய வசூலான 380 கோடி ரூபாயையும் தாண்டி புதிய சாதனை படைத்துள்ளது.
உலக அளவில் 'பாகுபலி 2' படம் 1500 கோடியை நெருங்கியுள்ள நிலையில், 'தங்கல்' படத்தின் சீனா வசூலையும் சேர்த்தால் அந்தப் படம் 1200 கோடியைத் தற்போது தாண்டியுள்ளது.
'பாகுபலி 2' படம் இன்னும் சீனாவில் வெளியாகவில்லை. இந்த வருடக் கடைசியில் வெளியாகும் என்று எதிர்பார்க்கப்படுகிறது. அதே சமயம், 'பாகுபலி' முதல் பாகம் சீனாவில் வெளியான போது பெரிய வசூலை ஈட்டவில்லை என்பது குறிப்பிடத்தக்கது.