விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு | ராபின் ஹூட் படத்தின் ரிலீஸ் தேதி அறிவிப்பு | இன்ஸ்டா கணக்கை டெலிட் செய்தாரா யுவன்? | அதிக எதிர்பார்ப்பில் வெளியாகும் வீட்டுக்கு வீடு வாசப்படி சீரியல்! | மிஸ்டர் மனைவி சீரியலில் என்ட்ரி கொடுக்கும் தேப்ஜானி மோடக் | இளையராஜா எல்லோருக்கும் மேலானவர் இல்லை : ஐகோர்ட் கருத்து | இசை ஆல்பத்தில் அஞ்சு குரியன் |
ஒவ்வொரு நாளும் புதிய சாதனையில் நுழைந்து கொண்டிருக்கிறது 'பாகுபலி 2'. பத்து நாட்களுக்குள்ளாக 1000 கோடி ரூபாயை வசூலித்து மாபெரும் சாதனை படைத்து, தொடர்ந்து பல சாதனைகளை படைத்துக் கொண்டிருக்கிறது.
உலக அளவில் தற்போது 1450 கோடியை இந்தப் படம் கடந்துள்ளதாகத் தகவல் வெளியாகியுள்ளது. அடுத்த சில நாட்களுக்குள் 1500 கோடியைக் கடந்து விட வாய்ப்புள்ளது. மே மாதம் முழுவதும் இன்னும் பல தியேட்டர்களில் இப்படம் ஓடும் பட்சத்தில் 1700 கோடி ரூபாயைத் தாண்டும் என்கிறார்கள்.
ஹிந்தியில் தனிப்பட்டு 500 கோடி ரூபாயைத் தாண்டி புதிய சாதனை படைக்கவும் வாய்ப்பிருக்கிறது. இன்னும் சீனா உள்ளிட்ட சில உலக நாடுகளில் இப்படம் வெளியாகவில்லை. வருடக் கடைசியில் வெளியாக உள்ளது. அந்த வசூலைச் சேர்த்தாலும் இல்லை அதற்கு முன்னதாகவே கூட 2000 கோடி ரூபாய் வசூலைப் பெறுவதும் சாத்தியம்தான் என திரையுலக வட்டாரங்கள் தெரிவிக்கின்றன.
படத்தின் அனைத்து மொழி சாட்டிலைட் உரிமை, மற்ற டிஜிட்டல் உரிமைகள் அவற்றையெல்லாம் கணக்கில் எடுத்தால் 'பாகுபலி 2' படத்தின் உருவாக்கச் செலவு போக மற்ற வகைகளில் வரவே 2000 கோடியைத் தொடலாம்.