ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? | குருவாயூரில் நடந்த 'டாடா' நாயகி அபர்ணா தாஸ் திருமணம் | பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு |
தமிழ்த் திரையுலகின் மிகப் பெரும் படைப்பாக உருவாக இருக்கும் 'சங்கமித்ரா' சரித்திரப் படத்தின் துவக்க விழா, கேன்ஸ் சர்வதேச திரைப்பட விழாவில் நடைபெற உள்ளது. இதற்கான நிகழ்வில் கலந்து கொள்வதற்காக படக்குழுவினர் கேன்ஸ் புறப்பட்டுச் சென்றுள்ளனர். படத்தின் நாயகர்கள் ஆர்யா, ஜெயம் ரவி ஆகியோரும் இப்போது சென்றுள்ளனர்.
மேலும் படத்தின் இயக்குனர் சுந்தர்.சி, இசையமைப்பாளர் ஏ.ஆர்.ரகுமான், படத்தின் நாயகி ஸ்ருதிஹாசன் உள்ளிட்டவர்களும் கேன்ஸ் திரைப்பட விழாவில் ரெட் கார்பெட்டிலும் கலந்து கொள்கிறார்கள். ஒரு தமிழ்த் திரைப்படத்தின் ஆரம்பம், உலகப் புகழ் பெற்ற கேன்ஸ் திரைப்பட விழாவில் நடைபெறுவது இதுவே முதல் முறை.
இந்தப் படத்தில் நாயகர்களாக நடிப்பதற்கு விஜய், சூர்யா உள்ளிட்ட பலரிடமும் பேசினார்கள். ஆனால், அவர்கள் இந்தப் படத்தில் நடிப்பதற்கு மறுத்துவிட்டனர். அதன் பிறகே ஆர்யா, ஜெயம் ரவி ஒப்பந்தம் செய்யப்பட்டார்கள். 'பாகுபலி 2' படத்தில் நடிப்பதற்கும் முதலில் தெலுங்கு, ஹிந்தித் திரையுலகின் முன்னணி நடிகர்களிடம் தான் கேட்டார்கள். அவர்கள் மறுத்ததால் தான் பிரபாஸ், ராணா போன்றவர்களை நடிக்க வைத்தார்கள். இன்று அவர்கள் உலகப் புகழ் பெற்று விட்டார்கள். அப்படித்தான் 'சங்கமித்ரா' படத்தில் நடிக்க உள்ள ஆர்யா, ஜெயம் ரவி ஆகியோர் புகழ் பெற்றாலும் ஆச்சரியப்படுவதற்கில்லை.
விமானப் பயணத்தின் செல்பி புகைப்படங்களை ஆர்யா, ஜெயம் ரவி டிவிட்டரில் வெளியிட்டுள்ளனர். அதில் ஜெயம் ரவி, தன் மனைவி ஆர்த்தியுடன் இருக்கும் படத்தை மட்டும் முதலில் வெளியிட்டார். அதற்கு ஆர்யர், “உங்களுக்கு சீட்டு கொடுத்ததே நான் தான், புகைப்படத்தில் நான் எங்கே?, கேன்ஸில் எனது உதவி தேவைப்படும்,” எனக் கேள்வி கேட்டிருந்தார். அதற்கு பதிலளித்த ஜெயம் ரவி, “கேன்ஸில் எங்களை அடிக்கடி தொந்தரவு செய்யப் போவது ஆர்யா தான், இருந்தாலும் எங்களது டார்லிங் ஆர்யா,” என்றார். அதற்கு ஆர்யா, “கவலைப்படாதீங்க, சீக்கிரமே யாராவது ஒருத்தரைக் கண்டுபிடிக்கிறேன், அப்புறம் உங்களை நிம்மதியா இருக்க விடுறேன்,” எனக் கிண்டலடித்துள்ளார்.
ஆக, ஆர்யாவுக்கு சீக்கிரம் கல்யாணம் நடக்க வாய்ப்புள்ளது.