டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
இளையராஜாவின் மகன்களில் கார்த்திக் ராஜா ஆரம்பத்தில் பல படங்களுக்கு இசையமைத்து சூப்பர் ஹிட் பாடல்களை கொடுத்தார். ஆனால் ஒருகட்டத்தில் சரியான படவாய்ப்புகள் இல்லாமல் தந்தை இளையராஜா இசையமைக்கும் படங்களில் பணியாற்றி வந்தார். ஆனால் அரவிந்தன் படத்தில் இசையமைப்பாளராக அறிமுகமான அவரது தம்பி யுவன் ஷங்கர் ராஜா 100 படங்களுக்கு இசையமைத்து முன்னணி இசையமைப்பாளர் பட்டியலில் இடம் பிடித்து விட்டார்.
இந்நிலையில், தற்போது பின்னணி பாடகர் விஜய் யேசுதாஸ் நாயகனாக நடித்துள்ள படைவீரன் படத்திற்கு இசையமைத்திருக்கிறார் கார்த்திக்ராஜா. இந்த படத்தில் தனது தம்பி யுவனையும் ஒரு பாடல் பாட வைத்துள்ளார். இந்த படைவீரன் படத்தின் பாடல் ரைட்ஸை யுவன் ஷங்கர் ராஜாவே தனது யு1 ஆடியோ நிறுவனம் மூலம் வாங்கி வெளியிட்டுள்ளார்.
மேலும், அதிகமான படங்களுக்கு இசையமைக்காதது குறித்து கார்த்திக் ராஜா கூறுகையில், எனக்கு நிறைய படங்களுக்கு இசையமைக்க வேண்டும் என்பதை விட நல்ல கதையுள்ள படங்களுக்கு இசையமைக்க வேண்டும் என்பதே விருப்பமாக உள்ளது. கதை பிடிக்காத பல படங்களுக்கு இசையமைக்க நான் மறுத்திருக்கிறேன். இந்த படைவீரன் படம் எனக்கு மிகவும் பிடித்திருந்தது. அதனால் அந்த கதைக்கு தேவையான பாடல் மற்றும் பின்னணி இசையை சிறப்பாக கொடுத்திருக்கிறேன். அதனால் இந்த படைவீரன் என்னை பேச வைக்கும் படமாக இருக்கும் என்கிறார் கார்த்திக் ராஜா.