Dinamalar

57 வினாடியில் அஜித் மட்டுமே, மற்றவர்கள் எங்கே ?

அஜித், காஜல் அகர்வால், அக்ஷ்ராஹாசன், விவேக் ஓபராய் மற்றும் பலர் நடிக்கும் 'விவேகம்' டீசர் இரண்டு நாட்களுக்கு முன்பு வெளியானது. வெளியான சில மணி நேரங்களிலேயே அடுத்தடுத்து பல சாதனைகளை இந்த டீசர் புரிந்தது. குறைந்த நேரத்தில் அதிக பார்வைகள், அதிக லைக்குகள் என இதுவரை தமிழில் இதுவரை வெளிவந்த அனைத்து டீசர்களின் சாதனைகளையும் முறிடியத்து முதலிடத்தைப் பிடித்துள்ளது.

திரையுலகத்தைச் சேர்ந்த பலரும் இந்த டீசரைப் பாராட்டி வரும் நிலையில் டீசர் பற்றிய விமர்சனங்களும் எழாமல் இல்லை. “வெளிநாட்டில் எந்த ஒரு ஆக்ஷன் படத்தை எடுத்தாலும் அது ஹாலிவுட் படம் போலத்தான் தெரியும். அப்படித்தான் இந்தப் படமும் தெரிகிறது. தொடர்ந்து இந்தப் படத்திலும் அஜித் நரைத்த தலையுடன்தான் நடித்திருக்கிறார். 57 வினாடி டீசரில் அஜித்தைத் தவிர வேறு யாரையும் ஒரு வினாடி கூட காட்டவில்லையே ஏன் ?. தொடர்ந்து நள்ளிரவிலேயே டீசரை வெளியிட்டு ரசிகர்களின் தூக்கத்தைக் கெடுப்பது ஏன் ?. ஒவ்வொரு டீசரிலும் அஜித் குரலை அழுத்திக் கொண்டே பேசுவது ஏன் ?. 'விவேகம்' என்ற தலைப்பைத் தவிர வேறு எங்குமே தமிழ் இல்லை” என அடுக்கடுக்காக டீசரை 'டிரோல்' செய்து கொண்டிருக்கிறார்கள்.

படத்தில் நடித்த மற்றவர்கள்தான் மிகவும் பாவம். இந்த டீசரில் ஒரு வினாடி கூட நாம் இருக்க மாட்டோம் என்று தெரிந்தும் அவர்கள் டீசரைப் பாராட்டி 'ஷேர்' செய்து கொண்டுதானிருக்கிறார்கள். அதிலும் இந்தப் படத்தில் நடித்துள்ள ஹிந்தி நடிகரான விவேக் ஓபராய் அதையெல்லாம் வெளியில் காட்டிக் கொள்ளாமல், “அஜித் அண்ணா, தல ரசிகர்கள், என் தமிழ்க் குடும்பங்கள்” என பெருந்தன்மையாக நடந்து கொண்டு டிவீட் செய்கிறார். அந்தப் பெருந்தன்மைக்காகவாவது விவேக் ஓபராயை படத்தில் ஒரு வினாடியாவது காட்டுங்கள் என அஜித் சொல்லியிருக்கலாம்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்