டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
'வேதாளம்' படத்தின் சூப்பர் ஹிட் வெற்றிக்குப் பிறகு அஜித், சிவா கூட்டணியில் வெளிவரும் படம் என்பதால் 'விவேகம்' படத்திற்கு ஏற்கனவே எக்கச்சக்கமான எதிர்பார்ப்பு ஏற்பட்டது. அஜித், சிவா கூட்டணி இணையும் 3 ஆவது படம் என்ற எதிர்பார்ப்பும் சேர்ந்துகொள்ள விவேகம் படத்தின் ஒவ்வொரு நகர்வும் எதிர்பார்க்கப்பட்டது.
அஜித்தின் சிக்ஸ் பேக் உடம்புடன் கூடிய 'விவேகம்' படத்தின் ஃபர்ஸ்ட் லுக் ஏற்கெனவே வெளிவந்து வைரலாகி இருந்ததால், டீஸர் எப்போது வரும் என அஜித் ரசிகர்கள் ஆவலுடன் காத்துக் கொண்டிருந்தநிலையில், மே 11-ம் தேதி விவேகம் டீஸர் இணையத்தில் வெளியிடப்படும் என அறிவிக்கப்பட்டது. ஆனால் அதற்கு சில மணி நேரங்கள் முன்னதாகவே, விவேகம் டீஸர் லீக்கானது.
இதற்கு காரணம் படத்தின் எடிட்டர் ரூபனின் உதவியாளர்கள் தான் காரணம் என செய்திகள் வெளியாகின. அதை வைத்து அஜித்தின் ரசிகர்கள் எடிட்டர் ரூபனை சமூகவலைத்தளங்களில் காய்ச்சி எடுத்தனர். இந்த செய்திக்கு கடுமையாக தன் எதிர்ப்பை தெரிவித்துள்ளார் ரூபன்.
"விவேகம் படத்தில் பணியாற்றும் துணை இயக்குநர் யார் என்றாவது உங்களுக்குத் தெரியுமா? உங்களுடைய சுய விளம்பரத்துக்காக போலியான செய்திகளைப் பரப்ப வேண்டாம். எனது பெயரைக் களங்கப்படுத்தியதற்காக நான் உங்கள் மீது சட்ட ரீதியாக நடவடிக்கை எடுக்க முடியும். சமூக ஊடகங்கள் தவறானவற்றை பரப்ப எளிதான கருவியாகிவிட்டது. யார் வேண்டுமானாலும் ஒரு வீடியோ சேனலை துவக்கி எதை வேண்டுமானாலும் பரப்பும் நிலையே உள்ளது. சமூக வலைதளங்களில் ஏதாவது பதிவு செய்வதற்கு முன் தயவுசெய்து சிறிதேனும் அறிவுபூர்வமாக சிந்தியுங்கள்" என தனது ட்விட்டர் பக்கத்தில் கடுமையாக சாடியுள்ளார்.
தன் மீதோ, தன்னுடைய உதவியாளர்கள் மீதோ தவறில்லை என்பதை சொல்லும்போது விவேகம் படத்தின் துணை இயக்குநர் பற்றி ஏன் குறிப்பிட்டார் என்பதுதான் புரியவில்லை.