பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா |
பி.சுகுமார் இயக்கத்தில் நாக சைதன்யா, தமன்னா கதாநாயகன், கதாநாயகியாக நடித்த தெலுங்கு படம் '100% லவ்'. 2011-ஆம் ஆண்டு வெளியாகி வெற்றிப் பெற்ற இந்தப்படம் இப்போது தமிழில் ரீ-மேக் ஆகிறது. இந்த படத்தை தெலுங்கில் இயக்கிய பி.சுகுமார் தமிழில் தயாரிக்கிறார்.
'பேக் வாட்டர்ஸ்' 'நடாஷா' உள்ளிட்ட ஹாலிவுட் படங்களின் ஒளிப்பதிவாளரும், பிரபல ஹாலிவுட் ஒளிப்பதிவாளர் ஃப்ரெட் மர்பியிடம் உதவியாளராகப் பணியாற்றியவருமான எம்.எம்.சந்திரமௌலி என்பவர் இந்த படத்தை இயக்குகிறார்.
இந்த படத்தில் ஜி.வி.பிரகாஷ் குமார் கதாநாயகனாக நடிக்கிறார். அதோடு அவரே இசை அமைக்கிறார். 'சென்னை எக்ஸ்பிரஸ்', 'தில்வாலே', 'சிங்கம்' என பல ஹிந்தி படங்களில் ஒளிப்பதிவாளராக பணியாற்றிய டட்லி இந்தப் படத்துக்கு ஒளிப்பதிவு செய்கிறார்.
இன்னும் பெயரிடப்படாத இந்த படத்திற்கான கதாநாயகி தேர்வு நடந்து வருகிறது. இப்படத்தின் ஒரிஜினலான '100% லவ்' படத்தில் கதாநாயகியாக நடித்த தமன்னாவையே ஜி.வி.பிரகாஷ் குமாரருக்கு ஜோடியாக நடிக்க வைக்க ஆலோசனை நடைபெற்று வருகிறது. இதுதொடர்பாக தமன்னாவிடம் பேசி வருவதாகவும் கூறப்படுகிறது. லண்டனில் படமாகவுள்ள இப்படத்தின் படப்பிடிப்பு விரைவில் துவங்கவுள்ளது.