Dinamalar

கட்டப்பா பாகுபலியை கொன்றதை அரசியலாக்கிய சலீம்குமார்..!

'பாகுபலி-2' படம் வெளியானதும் அந்தப்படத்தை முதல்நாளே பார்த்தாக வேண்டும் என துடித்த பலரும் முதலில் தெரிந்துகொள்ள விரும்பியது கட்டப்பா ஏன் பாகுபலையை கொன்றார் என்பதாகத்தான் இருந்தது. தற்போது அதற்கான காரணமும் தெரிந்துவிட்டது.. இந்தநிலையில் படம் வெளியாவதற்கு இரண்டு தினங்களுக்கு முன் பிரபல மலையாள நகைச்சுவை மற்றும் குணச்சித்திர நடிகரான சலீம்குமார், கட்டப்பா ஏன் பாகுபலியை கொன்றார் என்பதற்கு ஒரு அரசியல் கட்சியை கிண்டலடிக்கும் விதமாக ஒரு கூட்டம் ஒன்றில் ஒரு நகைச்சுவையான காரணத்தை கூறியிருந்தார்.

அதாவது போரில் தோற்றுப்போய் பாகுபலியும் கட்டப்பாவும் ஒரு காட்டிற்குள் சென்று பதுங்கினார்களாம். அப்போது தங்கள் நிலை குறித்து வேதனையை வெளிப்படுத்தினாராம் கட்டப்பா.. உடனே பாகுபலி அவருக்கு ஆறுதல் கூறும் விதமாக, “எல்.டி.எப் வரும்.. எல்லாம் சரியாகும்” என கூறினாராம். உடனே கட்டப்பாவுக்கு கோபம் வந்து பாகுபலியை கத்தியால் குத்தி கொன்றுவிட்டார் என சலீம்குமார் ஒரு விளக்கம் அளிக்க, கூடியிருந்த கூட்டத்தில் இருந்தவர்கள் அனைவரும் சிரித்து விட்டார்களாம்.

காரணம் எல்.டி.எப் (Left Democratic Front ) என்பது கேரளாவில் தற்போது ஆளும் கம்யூனிஸ்ட் கட்சி கூட்டணியை குறிக்கும்.. ஆளும் அரசின் லட்சணத்தை கிண்டலடிப்பதற்காக கட்டப்பாவையும் பாகுபலியையும் பயன்படுத்தி கொண்டுள்ளார் சலீம்குமார். படம் வெளியான பின் சலீம்குமார் பேசிய அந்த வீடியோவும் தற்போது வைரலாகி வருகிறது.

• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!

• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்
• 
  தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை
• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்