ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
எதிர்பார்த்த பாகுபலி-2 படம் நேற்று உலகம் முழுக்க ரிலீஸாகிவிட்டது. ஒட்டுமொத்த இந்தியத் திரையுலமும் இப்படத்தை பாராட்டி வருகிறார்கள். பாகுபலி-2 படத்தின் பிரமாண்டத்தை ரசிகர்கள் வியந்து பாராட்டியுள்ளனர். மீண்டும் மீண்டும் பார்க்க தூண்டும் படமாக பாகுபலி-2 இருப்பதாக ரசிகர்கள் கூறி வருகின்றனர். அதுமட்டுமல்ல படத்தின் முதல்நாள் வசூலும் இந்திய சினிமா வரலாற்றில் ஒரு புதிய மைல்கல்லை எட்டியுள்ளது. உலகம் முழுக்க சுமார் 8000 தியேட்டர்களில் வெளியாகியுள்ள பாகுபலி-2 படம் நிச்சயம் ரூ.100 கோடியை தாண்டிய வசூலை ஈட்டியிருக்கும் என்கிறார்கள்.
இதற்கிடையே பாகுபலி-2, ஹிந்தியில் மட்டும் ஒரேநாளில் ரூ.41.5 கோடி வசூலித்திருக்கிறது. இது சல்மானின் சுல்தான்(ரூ.36.54 கோடி) மற்றும் அமீர்கானின் தங்கல்(ரூ.29.78கோடி) படங்களின் வசூலை விட அதிகமாகும். பாகுபலி முதல்பாகம், முதல்நாளில் ரூ.5.15 கோடி தான் வசூலித்திருந்தது. இப்போது அதைவிட பலமடங்கு வசூலை குவித்து இருப்பது ஹிந்தி திரையுலகினர் இடையே ஆச்சர்யத்தை ஏற்படுத்தியிருப்பதுடன் பாகுபலி-2 வசூலை பார்த்து கான் நடிகர்களே வாயடைத்து போய் உள்ளனர்.