வீர தீர சூரனாக மாறிய விக்ரம் | அஜித் பிறந்தநாளில் 'விடாமுயற்சி' அப்டேட்? | ஷங்கரின் மருமகன் யார் தெரியுமா...! | சென்னை வெள்ளத்தை அடிப்படையாக கொண்ட குறும்படத்திற்கு துபாயில் விருது | சரியான நேரத்தில் சரியானதை செய்துள்ளேன் - வித்யா பாலன் | தனுஷின் குபேரா டைட்டிலுக்கு திடீர் சிக்கல் | கடும் உடற்பயிற்சியில் இறங்கிய ஐஸ்வர்யா ரஜினி | விக்ரம் பிறந்தநாளில் வெளியான தங்கலான் படத்தின் மேக்கிங் வீடியோ | மருத்துவமனையில் அனுமதிக்கப்பட்ட மன்சூர் அலிகான் | துவாரகீஷின் 'நான் அடிமை இல்லை' - மறக்க முடியுமா ? |
என் நிலைமை யாருக்கும் வரக்கூடாது என, பின்னணி பாடகி, சுசித்ரா வேதனை தெரிவித்துள்ளார். தனுஷ், த்ரிஷா உள்ளிட்ட தமிழ் திரை நட்சத்திரங்களின் ரகசிய படங்களை, டுவிட்டர் பக்கத்தில் வெளியிட்டு பரபரப்பை ஏற்படுத்தியவர், சினிமா பின்னணி பாடகி சுசித்ரா. இதற்கு, அவரது டுவிட்டர் கணக்கு முடக்கப்பட்டதே காரணமாக கூறப்பட்டது. பின், அவரது டுவிட்டர் பக்கம், முற்றிலுமாக நீக்கப்பட்டது.
இந்நிலையில், சுசித்ரா கூறியதாவது: இரண்டு மாதமாக, அனைவரையும் சிரமத்துக்கு ஆளாக்கிய வேதனையில், இருக்கிறேன்; நடந்ததை எண்ணி வருத்தப்படுகிறேன். என் பெயரில் வெளியான படம் மற்றும் தகவல்களுக்கு, நான் பொறுப்பல்ல. என்றாலும், என்னால் ஆறுதல் பெற முடியவில்லை. அந்த படங்களை நான் வெளியிடவில்லை; யாருக்கும் சந்தேகம் வேண்டாம்.
என் மனநிலை குறித்து, என் கணவர் கூறியதை சரி செய்து வருகிறேன். இப்போது உடல் நலம் பரவாயில்லை. என்னால் பாதித்தவர்களிடம் மன்னிப்பு வேண்டுகிறேன். எனக்கு எதிரிகள் யாரும் இல்லை; யார் நட்பையும் இழக்க விரும்பவில்லை. இந்த நிலை, என் எதிரிக்கு கூட வரக்கூடாது. மனநல பாதிப்பில் இருந்து, மீண்டு வர ஆறு வாரங்களானது. இவ்வாறு அவர் கூறியுள்ளார்.