Dinamalar

அவந்திகா ஹீரோயினாக நடிக்கும் வானரப்படை

டி.வி அதிகம் பார்ப்பவர்களுக்கு அவந்திகாவை நன்றாக தெரியும். காரணம் பாதி விளம்பர படங்களில் அவர் நடித்திருப்பார். குறிப்பாக ஜோதிகா நடிக்கும் விளம்பர படங்களில் அவந்திகா இருப்பார். சில படங்களில் குழந்தை நட்சத்திரமாகவும் நடித்துள்ளார். தற்போது அவந்திகா ஹீரோயினாகியிருக்கிறார். ஹீரோயின் என்றால் ஹீரோவுடன் மரத்தை சுற்றி டூயட்பாடும் ஹீரோயின் இல்லை. வானரப்படை என்ற படத்தில் பள்ளி மாணவியாக நடிக்கிறார்.

அவரைச் சுற்றித்தான் கதை நடக்கிறது. அவரது தந்தையாக கவியரசர் கண்ணதாசன் பேரனும் அண்ணாத்துரை கண்ணதாசனின் மகனுமான முத்தையா கண்ணதாசன் நடிக்கிறார். இவர்கள் தவிர சுப்பு பஞ்சு, நமோ நாராயணன் ஆகியோரும் நடிக்கிறார்கள். லோகி ஒளிப்பதிவு செய்கிறார். கேயாரின் உதவியாளர் எம்.ஜெயபிரகாஷ் இயக்குகிறார். படம் பற்றி அவர் கூறியதாவது:

இது ஒரு அடுக்குமாடி குடியிருப்பில் நடக்கும் கதை. பெற்றோர்களுக்கும், அவரது குழந்தைகளுக்குமான இடைவெளி பற்றி பேசுகிறது படம். அடுக்குமாடி குடியிருப்பில் அடுத்தடுத்த வீடுகளில் வசித்தாலும் முகம் பார்க்காமல் வாழ்கிற நவீன வாழ்க்கை முறை குறித்து பேசுகிறது. அவந்திகாதான் கதையின் நாயகி. அவருடன் அனிருத், நிதிஷ், நிகில், அனிகா, வைஷ்ணவி, ஈஸ்வர் என்கிற ஆறு சிறுவர், சிறுமியர்கள் வானரப்படைகளாக நடிக்கிறார்கள். 9 வயதிலிருந்து 11 வயது வரை உள்ள சிறுவர், சிறுமிகளின் கள்ளம் கபடமில்லாத கலாட்டாவுக்காக இந்த சிறுவர் சிறுமிகள் தேர்ந்தெடுக்கப் பட்டுள்ளனர். ஒரே கட்டமாக படப்பிடிப்பு நடத்தி முடிக்க திட்டமிட்டுள்ளோம். என்றார் ஜெயபிரகாஷ்.

• 
  வித்யாபாலனின் காதல் தோல்வி : அவரே வெளியிட்ட தகவல்
• 
  சல்மான்கான் வீடு மீது துப்பாக்கிச்சூடு
• 
  காதலை உறுதிப்படுத்திய ஜான்வி கபூர்
• 
  தமிழில் ஒளிபரப்பாகும் சன்னி லியோனின் ‛ஸ்ப்ளிட்ஸ்வில்லா எக்ஸ்' ...
• 
  ஏ.ஆர்.முருகதாஸ் - சல்மான்கான் படத்தின் தலைப்பு வெளியானது

• 
  'அக்கரன்' வில்லங்கமான கதை : எம்.எஸ்.பாஸ்கர்
• 
  மோகனுக்காக 7 முறை மாற்றப்பட்ட கதை
• 
  'தண்டுபால்யா' பாணியில் உருவாகும் 'தண்டுபாளையம்'
• 
  விவாகரத்து வழக்கு: தனுஷ், ஐஸ்வர்யா நேரில் ஆஜராக கோர்ட் உத்தரவு
• 
  ரஜினி 171வது படத்தில் நாகார்ஜுனா?