Dinamalar

3 மொழிகளில் பிரபாஸ் நடிக்கும் சாஹூ

வருடத்திற்கு 4 படங்களில் நடித்துக் கொண்டிருந்த பிரபாஸ் கடந்த 4 ஆண்டுகளில் நடித்த ஒரே படம் பாகுபலி மற்றும் அதன் இரண்டாம் பாகம். இன்னும் சில தினங்களில் பாகுபலி-2 வெளிவர இருக்கிறது. பாகுபலிக்காக உடல் எடையை கூட்டி அதற்கென தனி கவனம் செலுத்திய பிரபாஸ் இப்போது சகஜமாவிட்டார். இனி தன் வழக்கமான பாணியிலான கலகலப்பான படங்களில் நடிக்க இருக்கிறார்.

அப்படி அவர் தற்போது நடித்துக் கொண்டிருக்கும் படம் சாஹூ. தமிழ், தெலுங்கு, இந்தி மொழிகளில் தயாராகும் இந்தப் படத்தை சுஜீத் இயக்குகிறார். யூவி கிரியேஷன் சார்பில் வம்சி, மற்றும் பிரமோத் தயாரிக்கிறார்கள். சங்கர், ஹசான், லாய் இசை அமைக்கிறார்கள். மதி ஒளிப்பதிவு செய்கிறார். 3 முன்னணி ஹீரோயின்கள் நடிக்கிறார்கள். பெரிய பட்ஜெட்டில் படம் உருவாகிறது. படம் பற்றி இயக்குனர் சுஜீத் கூறியதாவது:

பாகுபலியில் கதாபாத்திரத்திற்கு தேவையான நடிப்பை வெளிப்படுத்த பிராபாஸ் எடுத்துக்கொண்ட அக்கறையும், கடின உழைப்பும், மகத்தான முயற்சிகளும், முன்னேற்பாடுகளும் பாகுபலி 2 பற்றிய ஆவலையும் எதிர்பார்ப்புகளையும் மிகவும் அதிகப்படுத்தியுள்ளன. ஆனால், சாஹூவில் நீங்கள் சந்திக்க இருக்கும் பிரபாஸ் முற்றிலும் மாறுபட்டவர்.

பிரம்மாண்டமாக, உயர் தொழில்நுட்பத்துடன் அதிரடியும், காதலும், விறுவிறுப்பும், வேகமும் சரிவிகிதத்தில் சற்றும் குறைவில்லாமல் ரசனையோடு கலந்துப் பிரமாதமாக உருபெற்றுள்ளது. "சாஹூ" புதுமையும், ரசனையும் உற்சாகமும் கலந்த ஒரு ஜனரஞ்சகமான படைப்பு. இந்தியாவிலும், வெளிநாடுகளிலும் பிரம்மாண்டமாக, பல புதிய இடங்களில் படம் பிடிக்கபட்டு வருகிறது என்கிறார் இயக்குனர் சுஜீத்.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்