Dinamalar

சாயிஷா, அடுத்த சிம்ரன்?, ஓவராகப் புகழும் கோலிவுட்

தமிழ்த் திரையுலகத்தில் சிம்ரனின் இடத்தை கடந்த 10 வருடங்களுக்கும் மேலாக வேறு யாராலும் நிரப்ப முடியவில்ல என்பதே உண்மை. சிம்ரன் அளவிற்கு நடிக்கவும், நடனம் ஆடவும் தெரிந்த ஹீரோயின்கள் யாரும் வரவில்லை என்பது பெரிய ஏமாற்றம் தான். எந்தவிதமான கதாபாத்திரமாக இருந்தாலும் அதில் தன்னை முழுமையாக ஈடுபடுத்திக் கொள்வதில் சிம்ரனுக்கு நிகர் சிம்ரன் தான். 1997ம் ஆண்டிலிருந்து 2004ம் ஆண்டு வரை சுமார் 7 வருடங்கள் தமிழ் சினிமாவில் தனக்கென தனி இடத்தை உருவாக்கியவர் சிம்ரன். அவருக்குப் பிறகு அதைவிட அதிக காலம் சினிமாவில் சிலர் இருந்தாலும் அவர்களால் சிம்ரனை நெருங்கக் கூட முடியவில்லை.

வனமகன் படத்தில் அறிமுகமாக உள்ள சாயிஷாவை அடுத்த சிம்ரன் என படத்தின் இசை வெளியீட்டு விழாவில் சிலர் புகழ்ந்து தள்ளினர். அதற்கு முன்னதாக நடைபெற்ற கருப்பு ராஜா வெள்ளை ராஜா பட அறிமுக நிகழ்ச்சியிலும் சாயிஷாவை விஷாலும், கார்த்தியும் போட்டி போட்டுக் கொண்டு புகழ்ந்தனர்.

சிம்ரன் தமிழ் சினிமாவில் கோலோச்சிக் கொண்டிருந்த அந்த 7 வருட காலத்திலும் முதல் படத்தில் எப்படி இருந்தாரோ அதே அளவிற்கு இளமையுடன் இருந்தார். ஆனால், சாயிஷா இப்போதே அக்கா போலத்தான் இருக்கிறார், அவரை ஏன் சிம்ரன் அளவிற்கு ஒப்பிட்டுப் பேசுகிறார்கள் எனத் தெரியவில்லை என பிரபல இயக்குனர் ஒருவர் நம்மிடம் தெரிவித்தார்.

ஹன்சிகா, நயன்தாரா, த்ரிஷா, காஜல் அகர்வால், சமந்தா, ஸ்ருதிஹாசன் என மற்ற ஹீரோயின்களைப் பார்த்து சிலருக்கு போரடித்து விட்டது போலிருக்கிறது. அதனால்தான், சாயிஷாவை விழுந்து விழுந்து வரவேற்கிறார்கள் என்கிறார் அந்த இயக்குனர். வனமகன் வரட்டும் சாயிஷா, சாகசம் செய்வாரா இல்லையா என பார்ப்போம்.

• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...

• 
  ரச்சிதா பிறந்தநாளில் வெளியான ‛பயர்' முன்னோட்ட வீடியோ
• 
  மே 3ல் ரிலீஸாகும் ‛குரங்கு பெடல்'
• 
  அஜித்துக்காக உருவாக்கப்பட்ட டைட்டிலில் அருண் விஜய்
• 
  பவன் கல்யாண் எத்தனை கார்கள் வைத்திருக்கிறார் தெரியுமா ?
• 
  இயக்குனர் சேரனின் மூத்த மகளுக்கு திருமணம்