ரச்சிதா பிறந்தநாளில் வெளியான ‛பயர்' முன்னோட்ட வீடியோ | மே 3ல் ரிலீஸாகும் ‛குரங்கு பெடல்' | அஜித்துக்காக உருவாக்கப்பட்ட டைட்டிலில் அருண் விஜய் | பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் |
அமலாபால் அறிமுகமான வீரசேகரன், கொஞ்சம் வெயில் கொஞ்சம் மழை, இருவர் உள்ளம், தொட்டால் தொடரும் படங்களை தயாரித்தவர் துவார்.ஜி.சந்திரசேகர். இவர் தற்போது தயாரித்துள்ள படம் பார்க்கணும்போல இருக்கு. இதனை விஜய் நடித்த சுறா படத்தை இயக்கிய எஸ்.பி.ராஜ்குமார் இயக்கி உள்ளார், பரதன், த்ரிஷ்யம் ஹன்சிபா, கஞ்சா கருப்பு உள்பட பலர் நடித்துள்ளார்.
இந்தப் படம் தயாராகி ஒரு வருடத்திற்கு மேலாகி விட்டது. நான்கு முறை ரிலீஸ் தேதி அறிவித்தும் சரியான தியேட்டர் கிடைக்காததால் வெளியிட முடியவில்லை. தற்போது விஷால் உதவியுடன் படம் வெளிவருகிறது. இதுகுறித்து தயாரிப்பாளர் துவார்.ஜி.சந்திரசேகர் கூறியதாவது:
கஷ்டப்பட்டு படத்தை எடுத்து முடித்து விட்டேன். ஆனால் அதனை வெளியிட முடியவில்லை. சிறிய படம், சின்ன நடிகர்கள் என்று படத்தை தியேட்டர்காரர்கள் திரையிட மறுத்து விட்டார்கள். நான்கைந்து முறை ரிலீஸ் தேதி அறிவித்து விளம்பரம் செய்தும் படத்தை வெளியிட முடியவில்லை. தற்போது புதிதாக தயாரிப்பாளர் சங்கத்திற்கு தலைவராக பொறுப்பேற்றுள்ள விஷால் சிறுபட்ஜெட் படங்கள் வெளிவர உதவப்போவதாக அறிவித்திருந்தார். இதனால் அவரைச் சென்று சந்தித்தேன். என் பிரச்சினைகளை கேட்டறிந்தார். படத்தை தயாராக வைத்திருங்கள். நான் சொல்கிற மாதிரி வெளியிடுங்கள் என்று கூறினார். தற்போது அவர் ஆலோசனைப்படி வெளியிட ஏற்பாடுகள் நடந்து வருகிறது. என்றார் தயாரிப்பாளர் துவார்.ஜி.சந்திரசேகர்.