Advertisement

சிறப்புச்செய்திகள்

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

கர்நாடகா - பாகுபலி சிக்கல், உண்மை பிரச்சனை என்ன ?

21 ஏப், 2017 - 10:07 IST
எழுத்தின் அளவு:
What-is-real-problem-behind-Baahubali-2-in-Karanatak

'பாகுபலி 2' படத்தை கர்நாடகாவில் திரையிட கன்னட அமைப்புகள் அனுமதி மறுத்து வருகின்றன. மேலும், 9 வருடங்களுக்கு முன் சத்யராஜ் பேசிய பேச்சுக்கு மன்னிப்புக் கேட்க வேண்டும் என்றும் கோரி வருகின்றன. சத்யராஜை எதிர்த்தும், பாகுபலி 2 பட வெளியீட்டை எதிர்த்தும், 'பாகுபலி 2' படம் உலகம் முழுவதும் வெளியாகும் நாளான ஏப்ரல் 28ம் தேதி பந்த் ஒன்றை நடத்த உள்ளார்கள். ஒரு திரைப்படத்தை எதிர்த்து பந்த் நடத்தும் அளவிற்கு கன்னட அமைப்புகள் இறங்கிப் போயுள்ளன.


உண்மையிலேயே கன்னட உணர்வுடன் இந்த விவகாரம் நடக்கவில்லை என கன்னடத் திரையுலகத்திலிருந்து நமக்குக் கிடைத்த தகவல்கள் தெரிவிக்கின்றன. 'பாகுபலி' படத்தின் முதல் பாகம் சுமார் 12 கோடி ரூபாய் வரை விற்கப்பட்டு சுமார் 50 கோடி வரை வசூல் செய்திருக்கிறது. செலவெல்லாம் போக சுமார் 35 கோடி ரூபாய் வரை லாபம் ஈட்டிக் கொடுத்திருக்கிறது. அதனால் 'பாகுபலி 2' படத்தின் இரண்டாம் பாகத்தின் கர்நாடக உரிமைக்கு சுமார் 35 கோடி ரூபாய் வரை தயாரிப்பாளர் தரப்பில் விலை நிர்ணம் செய்துள்ளார்கள்.


இந்த விலை நிர்ணயம் செய்யப்பட்ட விவகாரம்தான் கன்னடத் திரையுலகத்தினரிடையே கடும் கோபத்தை ஏற்படுத்தியுள்ளது. தமிழ், தெலுங்கு, ஹிந்தி, மலையாளம் என கன்னடம் அல்லாத மொழிகளில் அவர்களது மாநிலத்தில் ஒரு படத்தின் விலையை இந்த அளவிற்கு நிர்ணயம் செய்தால் அவர்களால் முதல் பாகத்தைப் போல இரண்டாவது பாகத்தில் லாபம் சம்பாதிக்க முடியாது. அதனால், 'சிண்டிகேட்' அமைத்து 'பாகுபலி 2' படத்தின் உரிமையை தாங்கள் நிர்ணயிக்கும் விலைக்கு வாங்க முடிவு செய்துள்ளனர். அது, பாகுபலி தயாரிப்பாளர்களுக்கு ஏற்புடையதாக இல்லை. அவர்கள் 35 கோடிக்கும் கீழாக வியாபாரம் செய்ய முடியாது என மறுத்துவிட்டனர்.


அதனால்தான், கன்னட அமைப்புகளுடன் கலந்து பேசி, 'பாகுபலி 2' படத்தின் வெளியீட்டிற்குப் பிரச்சனை செய்ய முடிவெடுத்துள்ளார்கள். அந்தப் படத்திற்கு எதிராக எந்த விஷயமமுமே இல்லாததால் 9 வருடங்களுக்கு முன்பாக சத்யராஜ் பேசிய பேச்சைத் திரும்ப தூசி தட்டி, அவர் மன்னிப்பு கேட்டால்தான் படம் வெளியாகும் என பிரச்சனையை ஆரம்பித்துள்ளார்கள் என்று கூறப்படுகிறது.


'பாகுபலி' படத் தயாரிப்பாளர்கள் 'நான் ஈ' நடிகரான கிச்சா சுதீப் மூலமாக கன்னட அமைப்புகளுடன் பேசி வருகிறார்களாம். ஏதாவது உடன்பாடு எட்டினால் மட்டுமே படம் வெளியாகும் என்பதுதான் தற்போதைய நிலை என்கிறார்கள். சுமூகமாகப் போக சிலர் 50 லட்சம் ரூபாய் வரை பேரம் பேசுவதாகவும் தெரிகிறது. இதை கன்னடத் திரையுலகத்தைச் சார்ந்த தமிழ்ப் படங்களில் நடித்த நடிகர் ஒருவரே முகப்புத்தகத்தில் தெரிவித்துள்ளார். இதுதான் உண்மையான பிரச்சனை, மற்றபடி 'பாகுபலி 2' படத்தைப் பார்க்க கன்னட ரசிகர்கள் ஆவலுடன் காத்திருப்பதாகத் தெரிகிறது.


சத்யராஜ் பகிரங்கமாக மன்னிப்பு கேட்டால், இங்கு தமிழ்நாட்டில் படத்தை வெளியிட எதிர்ப்புக் குரல் எழும்பவும் வாய்ப்புள்ளது. கர்நாடகாவில் வெளியிடாமல் போனால் 50 கோடி வரைதான் நஷ்டம் வரும். ஆனால், உலகம் முழுவதும் தமிழில் வெளியானால் சுமார் 200 கோடி வரை நஷ்டம் ஏற்பட வாய்ப்புள்ளது. அதனால் 'பாகுபலி' தயாரிப்பாளர்கள் இந்த நிலைமையை எப்படி அணுகப் போகிறார்கள் என்பதை தென்னிந்தியத் திரையுலகமே எதிர்பார்த்து காத்துக் கொண்டிருக்கிறது.


Advertisement
கருத்துகள் (0) கருத்தைப் பதிவு செய்ய
மறக்க முடியுமா? - வெயில்மறக்க முடியுமா? - வெயில் மகளையே கேவலப்படுத்துறாங்க : சின்மயி மகளையே கேவலப்படுத்துறாங்க : சின்மயி

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய

வாசகர் கருத்து

No comments found

உங்கள் கருத்தைப் பதிவு செய்ய

Login :
New to Dinamalar ?
(Press Ctrl+g   to toggle between English and Tamil)
Advertisement
Advertisement

டாப் 5 படங்கள்

  • வரவிருக்கும் படங்கள் !
    Tamil New Film Na Na
    • நா நா
    • நடிகர் : சசிகுமார் ,
    • இயக்குனர் :NV நிர்மல்குமார்
    Tamil New Film Mayan
    • மாயன்
    • நடிகர் : வினோத் மோகன்
    • நடிகை : பிந்து மாதவி
    • இயக்குனர் :ராஜேஷ் கண்ணா
    Tamil New Film Devadas
    • தேவதாஸ்
    • நடிகர் : உமாபதி
    • நடிகை : ஐரா ,மனிஷா யாதவ்
    • இயக்குனர் :மகேஷ்.ரா
    Tamil New Film Yang Mang Chang
    • எங் மங் சங்
    • நடிகர் : பிரபுதேவா
    • நடிகை : லட்சுமி மேனன்
    • இயக்குனர் :எம்எஸ் அர்ஜூன்
    dinamalar-advertisement-tariff

    Tweets @dinamalarcinema

    Advertisement
    Copyright © 2024 Dinamalar - No.1 Tamil website in the world. All rights reserved. Mail Us Your Suggestion to webmaster@dinamalar.in