தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
தமிழ்த் திரையுலகத்தில் இப்போதைக்கு முன்னணியில் இருப்பவர்களில் மிக முக்கியமானவர் த்ரிஷா தான். 30 வயதைக் கடந்த ஒருவர் ஒரே சமயத்தில் 6 படங்களில் நாயகியாக நடிப்பது என்றால் சும்மாவா?. 20 வயது நாயகிகள் கையில் கூட இத்தனைப் படங்கள் இல்லை. த்ரிஷா கைவசம் தற்போது “மோகினி, சதுரங்க வேட்டை 2, கர்ஜனை, 1818, 96,” ஆகிய 5 தமிழ்ப் படங்களும் 'ஹே டியூட்' என்ற மலையாளப் படமும் உள்ளன. இவற்றில் 'மோகினி, சதுரங்க வேட்டை 2, கர்ஜனை' ஆகிய படங்களின் படப்பிடிப்பு த்ரிஷா முடித்துவிட்டார். மற்ற படங்களின் படப்பிடிப்புகள் நடைபெற்றுக் கொண்டிருக்கின்றன.
த்ரிஷா முன்னணி கதாநாயகியாக இருந்த போது கூட ஒரே சமயத்தில் இத்தனை படங்களில் நடித்திருக்க மாட்டார். ஆனால், இப்போது அவரிடம் இத்தனை படங்கள் ஒரே சமயத்தில் குவிந்திருப்பது மற்ற இளம் ஹீரோயின்களுக்கும் கண்டிப்பாகப் பொறாமையாகவே இருக்கும். திரைப்படங்களில் நடிக்க வந்து 15 வருடங்களுக்குப் பிறகும் த்ரிஷா முன்னணியில் இருப்பது குறிப்பிட வேண்டிய ஒன்று.
த்ரிஷா இத்தனை ஆண்டுகளுக்குப் பிறகும் முன்னணியில் இருப்பதற்குக் காரணம் அவருடைய தோற்றம்தான். அவரைப் பார்த்தால் யாரும் 30 வயதைக் கடந்தவர்கள் என்று சொல்ல மாட்டார்கள். இப்போதும் பாவாடை, தாவணியில் மழையில் நனைந்து கொண்டு 'நு ஒஸ்தானன்டே' என ஆடிப் பாடினால் அதைப் பார்ப்பதற்கும் ரசிகர்கள் கூட்டம் இருக்கிறது.