ரத்னம் படத்திற்கு கட்டப்பஞ்சாயத்து : விஷால் வேதனை | நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி | துருவ் விக்ரமிடம் பேச்சுவார்த்தையை தொடங்கிய சுதா | ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது | நடிகர் மன்சூர் அலிகான் காங்கிரஸ் கட்சியில் இணைகிறார் | வடக்கன் பட டீசர் வெளியானது | விக்ரமின் 'வீர தீர சூரன்' படப்பிடிப்பு இன்று துவங்கியது | 'கல்கி 2898 ஏடி' : ஒவ்வொருவருக்கும் இவ்வளவு சம்பளமா ? | பஹத் பாசில் படத்தை ஒருபோதும் மிஸ் பண்ணாதீர்கள் : சமந்தா | போதை ஆசாமிகளின் தாக்குதலுக்கு ஆளானேன் : உறுமீன் இயக்குனர் அதிர்ச்சி தகவல் |
வெற்றிமாறன் இயக்கத்தில் தனுஷ் நடிக்கும் 'வட சென்னை' படத்தின் இரண்டாம் கட்டப் படப்பிடிப்பு கடந்த வாரம் தொடங்கி நடைபெற்று வருகிறது. இந்தப் படத்தில் கதாநாயகியாக சமந்தா நடிக்கிறார் என்று முதலில் சொல்லப்பட்டது. அதற்கு பிறகு சமந்தா நடிக்கவில்லை என்றும், அவருக்கு பதில் அந்த கேரக்டரில் அமலாபால் நடிப்பதாக அறிவிக்கப்பட்டது.
இந்நிலையில், இப்போது அமலாபால் நீக்கப்பட்டு அவருக்கு பதிலாக ஐஸ்வர்யா ராஜேஷ் நடிக்க இருக்கிறார் என்று தகவல் வெளியாகியுள்ளது. இயக்குநர் ஏ.எல்.விஜய்யை விவாகரத்து செய்ததும் மீண்டும் நடிப்பில் தீவிரமாக ஈடுபட முடிவு செய்தார் அமலாபால். அதோடு, தனக்கு நெருக்கமான ஹீரோக்களிடம் எல்லாம் வாய்ப்பு கேட்டார்.
அதன் காரணமாகவே வட சென்னை படத்தின் கதாநாயகி வாய்ப்பை அவருக்கு கொடுத்தார் தனுஷ். வட சென்னை படத்தில் ஒப்பந்தமான நேரமோ என்னவோ அமலாபாலுக்கு நிறைய படங்கள் கமிட்டாகத் தொடங்கின. தற்போது கையில் நிறைய படங்கள் உள்ளதால், கால்ஷீட் பிரச்சனையை காரணம்காட்டி வட சென்னை படத்திற்கு கால்ஷீட் தராமல் இழுத்தடித்திருக்கிறார். எனவே அந்தப் படத்திலிருந்து அமலாபால் நீக்கப்பட்டதாக சொல்லப்படுகிறது.
மூன்றாவது முறையாக கதாநாயகி மாற்றப்பட்டுள்ள நிலையில், இந்த படத்தில் தனுஷுடன் ஆன்ட்ரியா ஒரு முக்கிய கதாபாத்திரத்தில் நடிக்கிறார்.