'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் |
'பாகுபலி 2' படம் திரைக்கு வருவதற்கு இன்னும் இரண்டு வாரங்களே உள்ளன. உலகம் முழுவதும் சுமார் 6000க்கும் மேற்பட்ட தியேட்டர்களில் இப்படம் வெளியாகும் எனத் தெரிகிறது. அமெரிக்காவில் மட்டும் சுமார் 1050 தியேட்டர்களில் இப்படத்தை வெளியிட ஏற்பாடு செய்து வருகிறார்களாம். இதுவரை எந்த ஒரு இந்தியப் படமும் இவ்வளவு தியேட்டர்களில் வெளியானது இல்லை என்பது குறிப்பிடத்தக்கது. அமெரிக்காவில் சுமார் 900 தியேட்டர்களிலும், கனடாவில் சுமார் 150 தியேட்டர்களிலும் படத்தை வெளியிட உள்ளார்களாம்.
அமெரிக்காவில் மட்டும் 'பாகுபலி 2'வின் தெலுங்குப் படம் சுமார் 400 தியேட்டர்களிலும், ஹிந்திப் படம் சுமார் 300 தியேட்டர்களிலும், தமிழ்ப் படம் சுமார் 200 தியேட்டர்களிலும் சுமார் 700 இடங்களில் வெளியாக உள்ளது. கனடாவில் 80 இடங்களில் சுமார் 150 தியேட்டர்கள் வரை படத்தை வெளியிட உள்ளார்கள். அதுமட்டுமல்லாமல் பிரமிக்க வைக்கும் 'ஐமேக்ஸ்' வடிவில் சுமார் 40 இடங்களில் திரையிட ஏற்பாடுகள் நடந்து வருகின்றன.
அமெரிக்காவில் ஒரு நாள் முன்னதாகவே ஏப்ரல் 27ம் தேதி பல ஊர்களில் படத்தின் சிறப்பு பிரிவியூ காட்சிகளை நடத்த உள்ளார்கள். அதற்கான முன்பதிவு 21ம் தேதியே ஆரம்பமாக உள்ளதாம். அமெரிக்காவில் மட்டும் 'பாகுபலி 2' படம் பல கோடி ரூபாயை வசூல் செய்யும் என்கிறார்கள்.