Dinamalar

ஆஷா சரத் வயதை கணக்கிட மறந்த மேஜர் ரவி..!

கடந்த வாரம் மேஜர் ரவி இயக்கத்தில் மோகன்லால் நடிப்பில் '1971 ; பியாண்ட் பார்டர்ஸ்' என்கிற படம் வெளியானது. இந்தப்படத்தில் தந்தை மகன் என இரண்டு வேடங்களில் மோகன்லால் நடிக்க, தந்தைக்கு ஜோடியாக ஆஷா சரத் நடித்திருந்தார். 1971ல் நடைபெற்ற இந்தியா-பாகிஸ்தான் போரில் நிகழ்ந்த சம்பவங்களை மையப்படுத்தி இந்தப்படம் உருவாகி இருக்கிறது.. இந்தப்படம் பார்த்த பலரும் ஆஷா சரத்தை அவரது வயதுக்கேற்ற மேக்கப்பில் காட்டாமல்' மேஜர் ரவி எப்படி கவனக்குறைவாக இருந்தார் என்றுதான் பேசிக்கொள்கிறார்கள்.

கதைப்படி 1971ல் இந்தியா-பாகிஸ்தான் போரில் பங்கேற்கிறார் மேஜர் சகாதேவன் (மோகன்லால்). அப்போது அவருக்கு ஒரு மனைவி (ஆஷா சரத்) மற்றும் எட்டு வயதில் ஒரு ஒரு மகன் இருக்கிறார்கள். அப்போது மோகன்லாலுக்கு வயது 30 என்றும் ஆஷா சரத்துக்கு 25 என்றும் அவர்களது தோற்றத்தை வைத்து கணக்கிட்டு கொள்ளலாம். ஆனால் இந்த கதையை வயதான மேஜர் சகாதேவன் தனது பிளாஸ்பேக் கதையாக இப்போது சொல்வதுபோலத்தான் படம் நகர்கிறது..

அதன்படி 46 வருடங்கள் கழித்து இப்போது மோகன்லாலுக்கு வயது 76 ஆகியிருக்கும்.. அதற்கேற்றவாறு மேக்கப்பில் நரைத்த, முன் நெற்றியில் வழுக்கை விழுந்தது போல மோகன்லாலை வயதானவராகவும் காட்டியிருப்பது சரிதான்.. ஆனால் அவரது மனைவியாக வரும் ஆஷா சரத்துக்கும் 70 வயதுக்குமேல் ஆகியிருக்க வேண்டும் இல்லையா..? ஆனால் 76 வயதான மோகன்லாலுடன் வரும் காட்சிகளில் கிட்டத்தட்ட 45 வயது பெண்மணி போலத்தான் காட்சியளிக்கிறார் ஆஷா சரத். அவருக்கு மட்டும் வயது கூடமால் போனது எப்படி என்பதுதான் புரியவில்லை.

இன்னொரு விஷயம் 1971ல் எட்டு வயதில் இருந்த ஜூனியர் மோகன்லால் இப்போது மேஜர் மகாதேவன்.. கிட்டத்தட்ட இவர் வயதும் 54 தானே இருக்கவேண்டும்.. ஆனால் ஆரம்ப காட்சிகளில் வரும் இவர் 35 வயதுக்குட்பட்ட இளமையான தோற்றத்துடன் காட்சி தருவது எப்படி என்பதற்கும் மேஜர் ரவி தான் விளக்கம் சொல்லவேண்டும்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  'மஞ்சும்மேல் பாய்ஸ்' ஓடிடி உரிமை எவ்வளவு தெரியுமா?
• 
  பிளாஷ்பேக்: இசையிலும் சாதனை படைத்த ராஜ்குமார்
• 
  ஹாலிவுட் பட ஆடிசனில் கலந்து கொண்ட பஹத் பாசில்
• 
  தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை
• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...