தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
சினிமா உலகைப்பொறுத்தவரை ஒரு படத்தில் நடிகர் நடிகைகள் கமிட்டாகி விட்டால், அதன்பிறகு படப்பிடிப்பில் கலந்து கொள்ளும்போது அவர்களுக்கான தங்கும் செலவு, சாப்பாடு செலவு அனைத்தையும் தயாரிப்பாளர்களே பார்த்துக் கொள்வார்கள். அந்தவகையில், அவர்கள் கேட்கிற உணவுகள் கிடைக்கும். முக்கியமாக, முன்னணி நடிகர் நடிகைகள் என்றால் அவர்களுக்கு ஸ்டார் ஹோட்டல்களில் இருந்து உணவுகள் பரிமாறப்படும். ஆனால், அத்தனையும் கிடைக் கும் என்றாலும், படப்பிடிப்புகளில் தரப்படும் எந்த உணவையும் தமன்னா எடுத்துக்கொள்வதில்லையாம். மாறாக, தனக்குத்தேவையான உணவுகளை கேரவனுக்குள் ஒரு சமையல்காரரை வைத்து சமைத்து சாப்பிடுகிறார்.
முக்கியமாக ஸ்டார் ஹோட்டலில் தங்கினாலும் அவர் சமைத்துதான் சாப்பிடுகிறாராம். காரணம், சினிமாவில் நடிக்கத் தொடங்கியபோது யூனிட் சாப்பாட்டை சாப்பிட்ட தமன்னாவுக்கு அடிக்கடி உடல்நலக்கோளாறு ஏற்பட்டதாம். அதோடு அவரது கட்டுப்பாட்டையும் மீறி உடம்பு வெயிட் போட்டதாம். அதனால்தான் இந்த மாதிரியான பிரச்சினைகளில் இருந்து விடுபட, தனது உடம்பிற்கேற்ற ஆரோக்யமான உணவுகளை ஆள் வைத்து சமைத்து சாப்பிட்டு வருகிறார் தமன்னா. அந்த வகையில், மும்பையில் இருந்து சென்னைக்கு வரும்போது 5 உதவியாளர்களை உடன் அழைத்து வருகிறார் அவர்.