Dinamalar

விஷால் - கார்த்தி நடிக்கும் கருப்பு ராஜா வெள்ளை ராஜா

நடிகராக இருந்த பிரபுதேவா பின்னர் இயக்குநராகி போக்கிரி உட்பட பல படங்களை இயக்கினார். போக்கிரி படத்தில் வெற்றியை ருசித்த அவர் தொடர்ந்து இயக்கிய படங்களில் சறுக்கினார். 2011 - ல் விஷால் நடிப்பில் வெளியான வெடி படம் படு தோல்வியடைந்தது.

அதனால் இந்தப் படத்துக்குப் பிறகு தமிழில் படங்கள் இயக்காமல் ஹிந்திக்குப்போனார் பிரபுதேவா.

ஹிந்தியில் ரவுடி ரத்தோர், ரா. ராஜ்குமார், சிங் இஸ் ப்ளிங் உள்ளிட்ட பல படங்களை இயக்கினார். அங்கும் ஒரு கட்டத்தில் பிரபுதேவாவுக்கு மார்க்கெட் இல்லாமல்போனது. எனவே தற்போது மீண்டும் தமிழில் படம் இயக்கவுள்ளார் பிரபுதேவா.

விஷால் - கார்த்தி இருவரும் கதாநாயகர்களாக நடிக்கவிருக்கும் இப்படத்துக்கு கருப்பு ராஜா வெள்ளை ராஜா என்று பெயரிடப்பட்டுள்ளது. இப்படத்தின் முதற்கட்ட பணிகள் தீவிரமாக நடைபெற்று வரும்நிலையில், தற்போது கதாநாயகியாக சைஷா சைகல் ஒப்பந்தம் செய்யப்பட்டுள்ளார்.

இவர் மே 12-ம் தேதி வெளியாகவுள்ள வனமகன் படத்தில் கதாநாயகியாக நடித்து வருகிறார். ஏப்ரல் 10-ம் தேதி கருப்பு ராஜா வெள்ளை ராஜா படத்தின் பூஜை நடைபெறவுள்ளது. ஐசரி கணேஷ் இப்படத்தை தயாரிக்கவுள்ளார். இந்தப் படத்தின் சம்பளத்திலிருந்துதான் நடிகர் சங்கக்கட்டிடம் கட்ட விஷால், கார்த்தி இருவரும் தலா 5 கோடி வழங்க உள்ளனர்.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  ரத்னம் படத்திற்கு கட்டப்பஞ்சாயத்து : விஷால் வேதனை
• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்