நடிகர் சங்க கட்டிட நிதிக்கு 50 லட்சம் வழங்கிய சிவகார்த்திகேயன் | விஷாலின் வரவு செலவு கணக்கு: கோர்ட்டில் தாக்கல் | பிளாஷ்பேக்: இசையிலும் சாதனை படைத்த ராஜ்குமார் | ஹாலிவுட் பட ஆடிசனில் கலந்து கொண்ட பஹத் பாசில் | தெலுங்கு இயக்குனர் சங்கத்திற்கு பிரபாஸ் ரூ.35 லட்சம் நன்கொடை | ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி | இந்த வருடத்திற்கான ஓடிடி கதவுகள் மூடப்பட்டு விட்டன : விஷால் எச்சரிக்கை மணி | ஈரோட்டில் ரசிகர்களை சந்தித்த த்ரிஷா | வித்யாபாலன் டிவியில் பார்த்த முதல் பாடல், எது தெரியுமா ? | 'கில்லி' எத்தனை மொழிகளில் ரீமேக் ஆனது தெரியுமா ? |
நிவின்பாலி, நஸ்ரியா நடித்த 'ஓம் சாந்தி ஓசானா' படத்தை இயக்கியவர் ஜூட் ஆண்டனி ஜோசப்.. படம் இயக்குவதை விட, சமூக நிகழ்வுகளில் தனது கருத்துக்களையும் விமர்சனங்களையும் காரசாரமாக முன்வைப்பதன் மூலம் எப்போதும் ஹாட் டாபிக்கிலேயே இருப்பவர். அப்படிப்பட்டவர் தான் கொச்சி மேயர் சௌமினி ஜெயின் என்பவரை மிரட்டியதாகவும், அவரை பணி செய்யவிடாமல் தடுத்ததாகவும் கைது செய்யப்பட்டு தற்போது ஜாமீனில் வெளிவந்துள்ளார்.. சமூக பொறுப்புணர்ச்சி கொண்ட ஜூட் ஆண்டனி இப்படி செய்வாரா.? அப்படி என்னதான் நடந்தது..?
ஜூட் ஆண்டனி குழந்தைகள் விழிப்புணர்வு குறும்படம் ஒன்றை இயக்கி வருகிறார்.. இந்த குறும்படத்தில் நிவின்பாலி கூட ஒரு முக்கிய கேரக்டரில் நடிக்க இருக்கிறார்.. இதில் சில காட்சிகளை கொச்சியில் உள்ள சுபாஷ் பார்க்கில் படம்பிடிக்க மேயரிடம் அனுமதி கேட்டுள்ளார் ஜூட் ஆண்டனி.. ஆனால் மேயரோ அனுமதி தர மறுத்துவிட்டார்.. தான் சமூக அக்கறையுடன் எடுக்கும் ஒரு படத்தக்கு கூட, அனுமதி தர மறுத்த மேயரின் செயலை கண்டித்து ஜூட் ஆண்டனி வாதம் செய்ய, அதுதான் இப்போது கைது, ஜாமீன் என்கிற அளவுக்கு கொண்டுவந்து விட்டது என்கிறார்கள்..
இத்தனைக்கும் இந்தப்படம் எடுப்பதற்கு கேரள மாநில அமைச்சர் ஸ்ரீமதி மற்றும் எம்.எல்.ஏ ஹிபி ஈடனும் தங்களது ஆதரவை அளித்துள்ளார்கள்.. இந்த விபரம் தெரிந்தும் கூட மேயர் இதனை எதிர்த்துள்ளார். மேலும் ஜூட் ஆண்டனி தன்னிடம் கோபமாக பேசியதற்கு, பத்திரிகையாளர்களை அழைத்து அவர்கள் முன்னிலையில் மன்னிப்பு கேட்கவேண்டும் என மேயர் கூறியதாகவும் ஆனால் ஜூட் ஆண்டனி அதற்கு மறுத்துவிட்டதால் தான் மேயர் அவர் மேல் புகார் அளித்தார் என்றும் சொல்லப்படுகிறது.. இனிமேல் எனது சமூக அக்கறை நடவடிக்கைகளை கொஞ்சம் கொஞ்சமாக குறைத்துக்கொள்ள போகிறேன் என விரக்தியுடன் கூறியுள்ளார் ஜூட் ஆண்டனி ஜோசப்