இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி |
64வது தேசிய விருதுகள் அறிவிக்கப்பட்டுள்ளன. இதில் மொழிவாரியாக சிறந்த தமிழ் படமாக ஜோக்கர் தேர்வு செய்யப்பட்டுள்ளது. ராஜூ முருகன் இயக்கத்தில், குருசோமசுந்தரம் நடிப்பில் வெளியான இப்படம் ஏற்கனவே பல்வேறு சர்வதேச திரைப்பட விழாக்களில் பங்குப்பெற்று விருது பெற்றது குறிப்பிடத்தக்கது.
வைரமுத்துவுக்கு 7-வது தேசிய விருது : சீனுராமசாமி இயக்கத்தில், விஜய் சேதுபதி நடிப்பில் வெளியான ‛தர்மதுரை படத்தில் இடம்பெற்ற ‛‛எந்தப்பக்கம்... பாடலுக்காக பாடலாசிரியர் வைரமுத்துவிற்கு தேசிய விருது அறிவிக்கப்பட்டுள்ளது. இதன்மூலம் வைரமுத்து பெறும் 7-வது தேசிய விருது இதுவாகும்.
சூர்யாவின் 24 படத்திற்கு இரண்டு விருதுகள் : விக்ரம் குமார் இயக்கத்தில் சூர்யா மூன்று வேடங்களில் நடித்த ‛24 படத்திற்கு சிறந்த ஒளிப்பதிவு மற்றும் சிறந்த தயாரிப்பு நிர்வாகத்திற்கான இரண்டு தேசிய விருதுகள் கிடைத்துள்ளன.
மோகன்லாலுக்கு சிறப்பு விருது : ‛புலி முருகன், ஜனதா கேரஜ் மற்றும் முந்திரி வல்லிகள் தளிர்க்கும்போல ஆகிய படங்களில் நடித்த மோகன்லாலுக்கு தேர்வு குழுவின் சிறப்பு விருது அறிவிக்கப்பட்டுள்ளது.
தமிழுக்கு ஆறு தேசிய விருதுகள் : சிறந்த படம், சிறந்த பாடகர் என ஜோக்கர் படத்திற்கு 2 விருதும், சிறந்த ஒளிப்பதிவு மற்றும் தயாரிப்பு நிறுவனத்திற்காக 24-க்கு 2 விருதும், சிறந்த பாடலாசிரியர் வைரமுத்து மற்றும் சிறந்த எழுத்தாளர் தனஞ்செயனுக்கு தேசிய விருது உட்பட மொத்தம் தமிழ் சினிமாவுக்கு 6 தேசிய விருதுகள் கிடைத்துள்ளன.
விருதுகள் விபரம் வருமாறு...
சிறந்த நடிகர் : அக்ஷ்ய் குமார் (ருஷ்டம்)
சிறந்த நடிகை : சுரபி லக்ஷ்மி(மின்னாமின்னுங்கு, மலையாளம்)
சிறந்த இயக்குநர் : ராஜேஷ் மபூஸ்கர்(படம் - வென்ட்டிலேட்டர்)
சிறந்த துணை நடிகை : சையிரா வாசீம்(தங்கல்)
சிறந்த சமூகப்படம் : பிங்க்(ஹிந்தி)
சிறந்த இசையமைப்பாளர் : பாபு பத்மநாபன்(கன்னடம்)
சிறந்த விஷூவல் எபெக்ட்ஸ் : சிவாய்
சிறந்த திரைக்கதை(ஒரிஜினல்) : சியாம் புஷ்கரண்(மகிஷிண்டே பிரதிகாரம்)
சிறந்த திரைக்கதை(தழுவல்) சஞ்சய் கிருஷ்ணாஜி(தேஷ்கிரியா)
சிறந்த ஸ்டண்ட் மாஸ்டர் : பீட்டர் ஹெய்ன்(புலி முருகன் - மலையாளம்)
சிறந்த படத்தொகுப்பு : ராமேஷ்வர்(வென்ட்டிலேட்டர்)
சிறந்த ஒளிப்பதிவு - திரு(24)
சிறந்த பின்னணி பாடகர் : சுந்தர் ஐயர்(ஜோக்கர்)
சிறந்த பின்னணி பாடகி : இமான் சக்ரவர்த்தி
சிறந்த குழந்தைகள் படம் : தனக்(ஹிந்தி)
சிறந்த குழந்தைகள் நட்சத்திரம் : ஆதீஷ் பிரவீன்(குஞ்சு தெய்வம்), சாஜ்(நூர் இஸ்லாம்), மனோகரா(ரயில்வே சில்ரன்)
சிறந்த சுற்றுச்சூழல் படம் : தி டைகர் கூ கிராஸ்டு தி லைன்
மொழிவாரியாக சிறந்த படங்கள்...
தமிழ் : ஜோக்கர்
ஹிந்தி : நீர்ஜா
மலையாளம் : மகிஷிண்டே பிரதிகாரம்
தெலுங்கு : பெல்லி சூப்புலு
கன்னடம் : ரிசர்வேஷன்
மராத்தி : தேஷ்கிரியா
குஜராத்தி : ராங் சைடு ராஜூ
பெங்காலி : பிசர்ஜன்