என்ன கமெண்ட் இதெல்லாம்? கடுப்பான ரோபோ சங்கர் மருமகன் | டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு |
ராம்கோபால் வர்மா என்றாலே சர்ச்சைக்குரிய டிவீட்டுகளைப் போடுபவர் என்பது மட்டுமே பலருக்கும் தெரிந்திருக்கும். ஆனால், சமயங்களில் எதிர்பாராத விதத்தில் மற்றவர்களைப் பாராட்டும்படியான டிவீட்டுகளையும் அவர் பதிவிடுவார். அப்படி ஒரு டிவீட்டைப் பதிவிட்டு ஒரு அதிசயத்தை ஏற்படுத்தியிருக்கிறார் ராம்கோபல் வர்மா. அவர் சொன்னதும் ஒரு அதிசயமான செய்திதான். அதாவது 'ஸ்ரீதேவி உண்மையிலேயே ஒரு அதிசயம்' எனப் பாராட்டி ஸ்ரீதேவியின் சிறு வயது போட்டோ ஒன்றையும் பகிர்ந்துள்ளார்.
ராம்கோபால் வர்மா ஸ்ரீதேவியின் தீவிர ரசிகர். பொதுவாகவே வர்மாவின் படங்களில் நாயகிகளுக்கும் நல்ல முக்கியத்துவம் இருக்கும். அவருடைய படங்களில் நாயகிகளின் கதாபாத்திரங்களும் பேசப்படும். வர்மாவின் இயக்கத்தில் 'க்ஷணம் க்ஷணம், கோவிந்தா கோவிந்தா' ஆகிய படங்களில் ஸ்ரீதேவி நடித்திருக்கிறார்.
“இந்தியத் திரையுலகில் இந்தச் சிறுமி மிகப் பெரும் சூப்பர் ஸ்டார் ஆக வருவார் என யாராவது கற்பனை செய்திருப்பார்களா. ஸ்ரீதேவி உண்மையிலேயே ஒரு அதிசயம்” எனப் பாராட்டியுள்ளார். வர்மாவின் டிவீட்டுகளுக்கு எப்போதுமே எதிர்ப்புப் பதிவுகள் அதிகமாக இருக்கும். ஆனால், வித்தியாசமாக இந்தப் பதிவிற்குப் பல லைக்குகளும், நல்ல விதமான கமெண்ட்டுகளும் கிடைத்திருக்கின்றன.