பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
இருமுகன் படத்தை அடுத்து விக்ரம், ‛வாலு' விஜயசந்தர் இயக்கத்தில் ஒரு படத்தில் நடித்து வருகிறார். இந்தப்படம் வடசென்னை கதையில் உருவாகி வருவதாக கூறப்படுகிறது. இதற்கு முன்பு காதல்மன்னன் டைரக்டர் சரண் இயக்கத்தில் விக்ரம் நடித்த ஜெமினி படம் போன்று இந்த படத்தில் ஒரு பாட்டுக்கு குத்தாட்டம் ஆடுகிறார் விக்ரம். இந்த படத்தில் விக்ரமுடன் முதன்முறையாக சூரி காமெடியனாக இணைந்திருப்பது போன்று தமன்னாவும் முதன்முறையாக விக்ரமுக்கு ஜோடியாகியிருக்கிறார்.
இந்த படத்தின் படப்பிடிப்பு சென்னையிலுள்ள பின்னி மில்லில் போடப்பட்டிருந்த செட்டில் கடந்த ஒரு மாதகாலமாக நடந்து வந்தது. அதையடுத்து தற்போது அங்கிருந்து இடம்பெயர்ந்து ஏப்ரல் 1-ம் தேதியில் இருந்து பாண்டிச்சேரியில் முகாமிட்டுள்ளது யூனிட். இதற்கு முன்பு விக்ரமின் ஆக்சன் மற்றும் முக்கிய வசன காட்சிகளை படமாக்கிய விஜயசந்தர், இப்போது பாண்டிச்சேரியில் விக்ரம் - தமன்னா சம்பந்தப்பட்ட ரொமான்ஸ் காட்சிகளை படமாக்கி வருகிறார். பாண்டிச்சேரி கடற்கரை பகுதியில் அவர்களது காம்பினேசன் காட்சிகள் படமாகிறதாம். மேலும், இந்த படத்திலுள்ள ஒரு டூயட் பாடலுக்காக விக்ரம்-தமன்னா யூனிட்டுடன் பாங்காங் செல்லவும் திட்டமிடப்பட்டுள்ளதாம்.