டைம் டிராவல் கதையா...! : வெளியானது ரஜினி 171 பட அப்டேட் | சூர்யாவின் 44வது படத்தை இயக்கும் கார்த்திக் சுப்பராஜ் | மலையாள பிக்பாஸ் நிகழ்ச்சியில் கைகலப்பு : போட்டியாளர் மருத்துவமனையில் அனுமதி | இயக்குனர் சங்கத்தில் உறுப்பினர் அட்டை பெற்றார் மோகன்லால் | சூர்யா நடிக்கயிருந்த கதையில் விஜய் சேதுபதி | ரூ.100 கோடி பட்ஜெட்டில் உருவாகும் சிவகார்த்திகேயன் படம் | மல்டி ஸ்டார் படமாக உருவாகும் இளையராஜா பயோபிக் | திருமணத்தில் அப்பா விவேக்கின் கனவை நனவாக்கிய மகள் தேஜஸ்வினி | சித்தார்த் - அதிதிக்கு நிச்சயதார்த்தம் நடந்தது...! - இருவரும் அறிவிப்பு | ஏப்ரல் மாதத்தில் ரஷ்யா செல்லும் ‛தி கோட்' படக்குழு |
சிவா இயக்கத்தில் அஜித், தமன்னா மற்றும் பலர் நடித்து 2015ம் ஆண்டு வெளிவந்த படம் 'வீரம்'. தமிழிலேயே சுமாரான வெற்றியைப் பெற்ற இந்தப் படத்தை தெலுங்கில் பவன் கல்யாண், ஸ்ருதிஹாசன் நடிக்க ரீமேக் செய்து 'கட்டமராயுடு' என்ற பெயரில் கடந்த மாதம் 24ம் தேதி வெளியிட்டனர். விமர்சன ரீதியாக பெரிய வரவேற்பைப் பெறாத இந்தப் படத்திற்கு முதல் சில நாட்கள் மட்டுமே வசூல் திருப்திகரமாக இருந்தது. அதற்கடுத்த நாட்களில் குறைந்து, இரண்டாவது வாரத்தில் மிகச் சுமாரான வசூலைக் கூடப் பெற முடியாமல் தடுமாறியது.
கடந்த வாரம் வெளியான 'குரு' படத்திற்கு நல்ல விமர்சனமும், வரவேற்பும் கிடைக்க இந்தப் படத்தின் வசூல் 'கட்டமராயுடு' வசூலைப் பாதித்துள்ளது. இந்த வாரத்திலேயே பெரும்பாலான தியேட்டர்களில் 'கட்டமராயுடு' படத்தை தூக்கிவிடுவார்கள் என டோலிவுட் வட்டாரங்கள் தெரிவிக்கின்றன.
மொத்தமாக சுமார் 60 கோடி வசூலை மட்டுமே இந்தப் படம் பெறும் என்றும், 80 கோடிக்கும் மேல் வசூலித்தால்தான் படம் லாபத்தைத் தரும் என்கிறார்கள். அதனால் சுமார் 20 கோடி வரை இப்படத்திற்கு நஷ்டம் ஏற்படும் என்கிறார்கள். 'அத்தாரின்டிக்கி தாரோதி' படத்திற்குப் பிறகு பவன் கல்யாண் நடித்து வெளிவந்த 'சர்தார் கப்பார் சிங்' படமும் தோல்வியைத் தழுவிய நிலையில் தற்போது 'கட்டமராயுடு' படமும் தோல்வியைத் தழுவியுள்ளது. அதனால் 'வேதாளம்' படத்தை ரீமேக் செய்வதை பவன் கல்யாண் தள்ளி வைக்கலாம் என்கிறார்கள்.