Dinamalar

காளி படத்தை வெளியிடும் உதயநிதி

'எமன்' படத்தை தொடர்ந்து விஜய் ஆண்டனி நடிக்க ஒப்புக்கொண்ட படம் 'அண்ணாதுரை'. புதுமுக இயக்குனர் சீனுவாசன் இயக்கத்தில், ராதிகா சரத்குமாரின் 'ராடான் மீடியா' நிறுவனம் இந்த படத்தை தயாரிப்பதாக அறிவிப்பு வெளியானது. அண்ணாதுரை படத்தின் படப்பிடிப்பு தொடங்குவதற்கு முன்னரே, விஜய் ஆண்டனி தரப்புக்கும், ராதிகா சரத்குமாருக்கும் கருத்து வேறுபாடு ஏற்பட்டதால் படம் ட்ராப்பானது.

அண்ணாதுரை படம் ட்ராப்பானதால் கிருத்திகா உதயநிதி இயக்கும் படத்தில் நடிக்கவிருக்கிறார் விஜய் ஆண்டனி . இந்தப் படத்திற்கு ரஜினி பட டைட்டிலான 'காளி' என்று பெயர் சூட்டப்பட்டுள்ளது. 1980 - ல் ஐ.வி.சசி இயக்கத்தில் ரஜினி நடித்து வெளியான படம் 'காளி'.

பா.ரஞ்சித் இயக்கத்தில் கார்த்தி நடித்த படத்துக்கு முதலில் பரிசீலிக்கப்பட்டது காளி என்ற தலைப்புதான். அப்போது காளி தலைப்பு கிடைக்காமல்போனதால் வேறு வழியில்லாமல் மெட்ராஸ் என்று பெயர் வைத்தனர். இந்நிலையில், இப்போது காளி என்ற தலைப்பை விஜய் ஆண்டனி சொந்தமாக்கியிருக்கிறார். 'வணக்கம் சென்னை' படத்தை தொடர்ந்து கிருத்திகா உதயநிதி இயக்கும் இந்த படத்தை முதலில் உதயநிதியின் ரெட்ஜெயன்ட் பட நிறுவனம்தான் தயாரிப்பதாக இருந்தது.

விஜய் ஆண்டனி சம்பளம் தொடர்பாக உடன்பாடு ஏற்படவில்லை. எனவே 'விஜய் ஆண்டனி பிலிம் கார்பரேஷன்' நிறுவனமே காளி படத்தை தயாரிக்கிறது. 'காளி' படம் ரெடியான பிறகு அந்தப் படத்தை வாங்கி உலகம் முழுக்க வெளியிட இருக்கிறார் உதயநிதி.

• 
  தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ?
• 
  அமிதாப், ஏ.ஆர்.ரஹ்மானுக்கு லதா மங்கேஷ்கர் விருது
• 
  சரியான நேரத்தில் சரியானதை செய்துள்ளேன் - வித்யா பாலன்
• 
  அனிமல் படத்தின் வெற்றிக்கு வித்யாபாலன் சொல்லும் காரணம்
• 
  டீப் பேக் வீடியோ மூலம் பிரச்சாரம் : காங்கிரஸுக்கு எதிராக புகார் அளித்த ...

• 
  ஓட்டளிக்க முடியாமல் வேதனையுடன் திரும்பிய சூரி
• 
  ஹிந்தி உரிமையில் சாதிக்கும் தெலுங்குப் படங்கள்
• 
  ஓட்டளிக்க வந்த விஜய் கையில் காயம்
• 
  பிஎம்டபிள்யூ கார் வாங்கிய டான் பட இயக்குனர்
• 
  ஸ்டார் படம் ரிலீஸ் பற்றி கவின் வெளியிட்ட தகவல்