Dinamalar

கம்மட்டிப்பாடம் வாய்ப்பை பஹத் பாசில் தவிர்த்தது ஏன்..?

கடந்த வருடம் துல்கர் சல்மான் நடிப்பில் ராஜீவ் ரவி டைரக்சனில் 'கம்மட்டிப்பாடம்' என்கிற படம் வெளியானது. ஆச்சர்யத்திலும் ஆச்சர்யமாக, அதேசமயம் அதிர்ச்சி தரும் விதமாக, துல்கர் சல்மான் நடித்த படங்களில் முதன் முதலாக 'ஏ' சான்றிதழ் பெற்ற படமாக இது அமைந்தது. துல்கர் சல்மான் உட்பட இதில் நடித்திருந்த வினாயகன், அவரது அண்ணனாக நடித்த மணிகண்டன் ஆச்சாரி உட்பட பலரும் கதையின் நாயகர்களாக வாழ்ந்திருந்தார்கள். படத்தை பார்த்த பலரும், ஸ்டைலிஷான கதைகளில் நடித்துவரும் துல்கர், இதுபோன்ற ஒரு கதைக்களத்தில் நடிக்க எப்படி சம்மதித்தார் என்கிற சந்தேகத்தை எழுப்பவும் தவறவில்லை.

ஆனால் தற்போது, இந்தப்படத்தில் நடிக்கும் வாய்ப்பு துல்கருக்கு முன்னதாக பஹத் பாசிலைத்தான் தேடிச்சென்றது என்றும் அவர் மறுத்த காரணத்தால் தான் அடுத்ததாக துல்கர் சல்மான் இந்தப்படத்திற்குள் வந்தார் என்கிற உண்மையும் வெளியாகியுள்ளது. இதை வெளிப்படுத்தியவரும் பஹத் பாசிலேதான்.. பஹத் பாசிலை வைத்து 'அன்னயும் ரசூலும்' படத்தை இயக்கி அவருக்கு ஒரு லைப் டைம் கொடுத்த இயக்குனர் ராஜீவ் ரவி, இந்தப்படத்திற்கும் பஹத் பாசிலைத்தான் முதலில் அணுகினாராம்.

ஆனால் ராஜீவ் ரவி சொன்ன கதையில் கதைக்களமான கொச்சி நகரத்தில் கதையில் சொல்லப்பட்டது போன்ற இடங்களை எல்லாம் தான் ஒருபோதும் பார்த்தது கூட இல்லை என்பதாலும் தனக்கு நினைவு தெரிந்து தான் பார்த்த கொச்சி நகரம் ஹைடெக் வீடுகளும் கட்டடங்களுமாகவே தான் இருந்தது என்பதால் அந்தப்படத்துடன் தன்னால் ஒன்றி நடிக்க முடியாது என்றுதான் மறுத்துவிட்டாராம் பஹத் பாசில்.

• 
  அயோத்தியில் இடம் வாங்கிய அமிதாப்பச்சன்
• 
  சினிமாவில் வளர திறமை மட்டுமே போதாது : பரிணிதி சோப்ரா
• 
  கபீர் சிங் படத்தில் நடித்தது நான் செய்த இமாலய தவறு ; பாலிவுட் நடிகர் ...
• 
  ஷில்பா செட்டி மற்றும் ராஜ் குந்த்ராவின் 97 கோடி சொத்துக்கள் முடக்கம்!
• 
  'வார்-2' படப்பிடிப்பில் ஜிம் பயிற்சியாளரை மகிழ்வித்த ஜூனியர் என்டிஆர்

• 
  10 வருடங்களுக்கு பிறகு ஜூனியர் என்டிஆர் பட இயக்குனர் - ஒளிப்பதிவாளர் ...
• 
  ஜன கன மன 2 எப்போது? - இயக்குனர் தகவல்
• 
  25 நாட்களில் 150 கோடி வசூலித்த ஆடுஜீவிதம்
• 
  பிரபல இயக்குனரின் வீட்டில் திருடப்பட்ட நகைகள் ஒரேநாளில் மீட்பு
• 
  'எல்360' படப்பிடிப்பு ஆரம்பம்