பவன் கல்யாண் எத்தனை கார்கள் வைத்திருக்கிறார் தெரியுமா ? | இயக்குனர் சேரனின் மூத்த மகளுக்கு திருமணம் | மே 1ம் தேதி முதல் மாற்றம் : ராகவா லாரன்ஸ் | அருண் விஜய் நடிக்கும் ரெட்ட தல | சல்மான் கானுக்கு ஜோடியாக கியாரா அத்வானி? | பாடலாசிரியரும் உரிமை கோரினால் என்னவாகும் - இளையராஜா தரப்புக்கு நீதிபதிகள் கேள்வி | கன்னடத்தில் கால் பதிக்கும் ஐஸ்வர்யா ராஜேஷ் | 17 வருடங்களுக்க பிறகு மீண்டும் சினிமாவுக்கு வருகிறார் விஜய்யின் முதல் நாயகி | ரூ.100 கோடி வசூலித்த பஹத் பாசிலின் 'ஆவேஷம்' | பிளாஷ்பேக்: படங்களுக்கும் இசை அமைத்த சூலமங்கலம் சகோதரிகள் |
சாட்டை மகிமா நம்பியார் குற்றம் 23 படத்திற்கு பிறகு கோலிவுட்டில் கவனிக்கப்படும் நடிகையாகி விட்டார். அந்த படத்தில் அவரது நடிப்பு பேசப்பட்டதை அடுத்து இப்போது ஈட்டி டைரக்டர் ரவி அரசு இயக்கத்தில் ஜி.வி.பிரகாஷ் நாயகனாக நடித்து வரும் ஐங்கரன் மற்றும் அருள்நிதி நடிக்கும் இரவுக்கு ஆயிரம் கண்கள் ஆகிய படங்களில் நடித்து வருகிறார். இதில், ஐங்கரன் படத்தின் முதல்கட்ட படப்பிடிப்பில் கலந்து கொண்ட மகிமா நம்பியார், அடுத்த மாதம் இரண்டாம் கட்ட படப்பிடிப்பில் கலந்து கொள்கிறார்.
ஜி.வி.பிரகாசுடன் நடித்த அனுபவத்தைப்பற்றி அவர் கூறுகையில், இதற்கு முன்பு ஜி.வி.பிரகாஷை சந்தித்தது இல்லை என்பதால், முதல்நாள் ஸ்பாட்டிற்கு சென்றபோது நர்வசாகவே இருந்தேன். காரணம், அன்றைய தினம் எங்களுக்கிடையே ரொமான்ஸ் காட்சிகளை படமாக்க திட்டமிட்டிருந்தார் இயக்குனர் ரவிஅரசு. நான் சென்றதும் என்னிடம் காட்சியை சொல்லி டயலாக் பேப்பரையும் கொடுத்து விட்டார். அதை நான் மனப்பாடம் செய்தபடி எப்படி நடிக்கலாம் என்று யோசித்துக்கொண்டிருந்தேன்.
அப்போது, ஸ்பாட்டிற்குள் என்ட்ரி ஆனார் ஜி.வி.பிரகாஷ். வேகமாக அவர் வந்ததைப்பார்த்தபோது, அதுவரை நர்வசாக இருந்த எனக்கு சற்று பயம் ஏற்பட்டது. அப்போது டைரக்டரிடம் சீன் பற்றி கேட்டு விட்டு, என்னை நோக்கி வந்த ஜி.வி.பிரகாஷ் எனக்கு கைகொடுத்து விட்டு, இந்த காட்சியில் இந்த மாதிரி நடிப்போம் என்று ரிகர்சல் பார்த்தார். சிறிதுநேரத்தில் நீண்டகாலமாக பழகிய நண்பர் போலவே பேசிப்பழகினார். அது எனக்கு அவர் மீதிருந்த பயத்தை போக்கியது. அதனால், நான் இருவரும் இணைந்து நடித்த ஒரு வாரமும் ரொம்ப ஜாலியாக இருந்தது. அதனால் அடுத்து மீண்டும் ஜீ.வி.பிரகாசுடன் இணைந்து நடிக்கப்போகும நாளுக்காக ஆவலுடன் காத்திருக்கிறேன் என்கிறார் மகிமா நம்பியார்.