தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் | ஓட்டளிக்க முடியாமல் வேதனையுடன் திரும்பிய சூரி | ஹிந்தி உரிமையில் சாதிக்கும் தெலுங்குப் படங்கள் | ஓட்டளிக்க வந்த விஜய் கையில் காயம் | பிஎம்டபிள்யூ கார் வாங்கிய டான் பட இயக்குனர் | ஸ்டார் படம் ரிலீஸ் பற்றி கவின் வெளியிட்ட தகவல் | 'அரண்மனை 4' வெளியீடு தள்ளிவைப்பு | 600க்கும் அதிகமான தியேட்டர்களில் 'கில்லி' ரீ-ரிலீஸ் | இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! |
கலைவாணர் என்.எஸ்.கிருஷ்ணனின் மனைவி டி.ஏ.மதுரம். இருவரும் காதலித்து திருமணம் செய்து கொண்டனர். இருவரும் இணைந்து அம்பிகாபதி, அசோக்குமார், உத்தமபுத்திரன், கண்ணகி, சிவகவி, ஹரிதாஸ், ஆரியமாலா, ஜகதலபிரதாபன், சகுந்தலை, மங்கம்மா சபதம் உள்பட பல படங்களில் கணவன் மனைவியாக நடித்தனர். இருவரும் சேர்ந்து நடித்தால் கணவன் மனைவியாக நடிப்பார்கள். அல்லது காதலன் காதலியாக நடிப்பார்கள். கலைவாணர் அல்லாமல் இன்னொவருக்கு ஜோடியாக டி.ஏ.மதுரம் ஜோடியாக நடித்தார் என்றால் அது எம்.ஜி.ஆருக்குத்தான்.
லட்சுமிகாந்தன் கொலை வழக்கில் என்.எஸ்.கிருஷ்ணன் சிறையில் இருந்தபோது தனது நாடக குழுவினரின் வாழ்க்கைக்காக தன் மனைவி மதுரத்தை ஒரு படம் தயாரிக்கச் சொன்னார். உடனே மதுரம் என்.எஸ்.கிருஷ்ணன் நடித்து வந்த பைத்தியக்காரன் நாடகத்தை அதே பெயரில் சினிமாவாக தயாரித்தார். அதில் எஸ்.வி.சகஸ்ரநாமம் ஹீரோவாக நடித்தார். விதவை தங்கைக்கு திருணம் செய்து வைக்க முடியவில்லையே என்ற ஏக்கத்தில் ஒரு அண்ணன் பைத்தியக்காரன் ஆவது மாதிரியான கதை.
சோகமான இந்த கதையில் கொஞ்சம் கலகலப்பு இருக்க வேண்டும் என்பதற்காக டி.ஏ.மதுரம் நடித்தார், அவருக்கு ஜோடியாக எம்.ஜி.ஆர் நடித்தார். படம் ஓரளவுக்கு பெற்றி பெற்று என்.எஸ்.கே.வின் நாடக கலைஞர்களை காப்பாற்றியது. பைத்தியக்காரனில் எம்.ஜி.ஆருக்கு ஜோடியாக நடித்த டி.ஏ.மதுரம் மதுரைவீரன் படத்தில் எம்.ஜி.ஆருக்கு தாயாக நடித்தார்.