பாண்டிராஜ் இயக்கத்தில் விஜய் சேதுபதி? | விக்ரம் படத்தில் இணைந்த மற்றொரு மலையாள நடிகர் | கள்ளழரை அருகில் கண்ட பேரானந்தத்தில் சூரி | ரஜினியின் கூலி படத்தில் இணைந்த சிவகார்த்திகேயன் பட வசனகர்த்தா | 10 மில்லியன் பார்வையாளர்களை கடந்த ‛இனிமேல்' ஆல்பம் | டில்லியில் தக்லைப் படக்குழு : கமல் - சிம்பு - கவுதம் கார்த்திக் பங்கேற்பு | கார் விபத்து வழக்கு - நீதிமன்றத்தில் ஆஜரான யாஷிகா | 'கல்கி'யில் அஸ்வத்தாமாவாக நடிக்கும் அமிதாப் | மீண்டும் பிஸியாகிறார் நித்தி அகர்வால் | 'குரங்கு பெடல்' 80ஸ் கிட்ஸின் கதை : கமலக்கண்ணன் |
நடிகர் கமல்ஹாசனின் சகோதரர் சந்திரஹாசன், இருதினங்களுக்கு முன்னர் லண்டனில் தனது மகள் அனுஹாசன் வீட்டில் காலமானார். அவருக்கு கமல் உட்பட திரையுலகத்தை சேர்ந்த பலரும் இரங்கல் தெரிவித்துள்ளனர். சந்திரஹாசன், சில படங்களில் சிறிய தோற்றத்தில் நடித்திருக்கிறார். ஆனால் கடைசியாக ஒரு படத்தில் அவர் ஹீரோவாக நடித்தார். அந்தப்படம் பற்றிய விபரத்தை கீழே பார்ப்போம்...
ஜிபி ஸ்டூயோ சார்பில் பிரான்சிஸ் ஆல்பர்ட் ஆண்டனி மற்றும் லியோ விசன் சார்பில் விஎஸ்.ராஜ்குமார் இணைந்து தயாரித்துள்ள படம் "அப்பத்தாவ ஆட்டய போட்டுட்டாங்க". இதில் ஹீரோவாக சந்திரஹாசனும், ஹீரோயினாக நடிகர் விக்ராந்தின் அம்மா ஷீலாவும் நடித்துள்ளனர். இவர்களுடன் டெல்லிகணேஷ், காத்தாடி ராமமூர்த்தி, ஷண்முகசுந்தரம், ஜெயராவ் ஆகியோர் நடித்துள்ளனர்.
ஒரு முதியோர் இல்லம், முதுமை காலத்தில் காதலை அனுபவிக்க எண்ணும் ஒரு ஜோடி, அவர்களின் காதலை தடுக்க நினைக்கும் உறவுகள், காதலை காப்பாற்ற கைக்கொடுக்கும் நண்பர்கள், இறுதியில் காதல் ஜோடிகள் ஒன்று சேர்ந்தார்களா என்பதை வயிறு குலுங்க சிரிக்க வைக்கும் நகைச்சுவை படமாக இயக்கியுள்ளார் புதுமுக இயக்குநர் ஸ்டிபன் ரங்கராஜ்.
படப்பிடிப்பின் போது பல ஆலோசனைகளை தந்து ஆசானாய் விளங்கிய சந்திரஹாசனின் மறைவு, இப்படக்குழுவை மிகவும் அதிர்ச்சியில் ஆழ்த்தியுள்ளது. அவரது ஆத்மா சாந்தியடைய இறைவனிடம் வேண்டிக்கொள்ளும் இவ்வேளையில் அவரது நீங்கா நினைவாக இப்படம் அனைவரையும் கவரும் என்கின்றனர் படக்குழுவினர். காஞ்சிபுரம், சென்னை ஆகிய இடங்களில் இப்படத்தின் படப்பிடிப்பு நடைபெற்றுள்ளது. இறுதிக்கட்டத்தை எட்டியுள்ள இப்படம் வெளியீட்டிற்கு தயாராகி வருகிறது.