இந்தியாவில் தேர்தல் திருவிழா : ஓட்டளித்து ஜனநாயக கடமையாற்றிய தமிழ் திரைப்பிரபலங்கள்...! | 'ஆதிசக்தி' : புதிய பயணத்தை துவங்கிய சம்யுக்தா | ரீ-ரிலீஸ் ஆகும் ‛மங்காத்தா' | மகாபாரத கதையை 2 பாகங்களாக இயக்கும் லிங்குசாமி | சிகரெட் பிடிக்கும் நான் அட்வைஸ் பண்ணியதை ரசிகர்கள் ஏற்கவில்லை : பஹத் பாசில் | இன்ஸ்டா கணக்கு நீக்கம் : யுவன் விளக்கம் | விஷம் கலந்த ஜூஸ் கொடுத்து விட்டார்கள் : நடிகர் மன்சூரலிகான் குற்றச்சாட்டு | ஏ.ஆர்.ரஹ்மானின் தேர்தல் விழிப்புணர்வு பிரச்சாரம் | 'பிரேமலு' படத்தைப் பாராட்டிய நயன்தாரா | தேர்தலுக்கு பின் விடாமுயற்சி படத்தின் இறுதிகட்ட படப்பிடிப்பு |
ஹோட்டலையும் சமையலையும் வைத்து இரண்டுமணி நேரம் சினிமாவாக எடுக்கமுடியும் என மலையாளத்தில் அழகாக நிரூபித்துக் காட்டியிருந்தார் இயக்குனர் அன்வர் ரஷீத். அந்தப்படம்தான் துல்கர் சல்மான் நடித்து, கடந்த 2௦12ல் வெளியாகி மிகப்பெரிய வெற்றிபெற்ற 'உஸ்தாத் ஹோட்டல்'. இந்தப்படத்தில் ஒரு தாத்தாவுக்கும் பேரனுக்குமான பாசத்தையும் அதையும் தாண்டிய நட்பையும் அதற்கிடையே அழகான ஒரு காதலையும் வைத்து சூப்பர்ஹிட் படமாக இயக்கியிருந்தார் அன்வர் ரஷீத். இந்தப்படத்தின் கதையை எழுதியவர் சாட்சாத் 'பெங்களூர் டேய்ஸ்' படத்தை இயக்கிய அஞ்சலி மேனன் தான்.
தேசியவிருது உட்பட பல விருதுகளைப் பெற்ற இந்தப்படத்தை இப்போது கன்னடத்தில் ரீமேக் செய்யும் பணிகளில் மும்முரமாக இருக்கிறார் இயக்குனர் பொன் குமரன். பிரியாமணி இரட்டை வேடங்களில் நடித்த 'சாருலதா' என்கிற படத்தை இயக்கினாரே அதே பொன் குமரன் தான்.. மலையாளத்தில் தாத்தா கேரக்டரில் பிரமாதமாக வெளுத்து வாங்கியிருந்தார் மறைந்த நடிகர் திலகன்..
கன்னடத்தில் திலகன் கேரக்டரில் நடிக்க இருக்கிறார் பிரகாஷ்ராஜ்.. நித்யா மேனன் நடித்த கேரக்டரில் வேதிகா நடிக்கிறார்.. மலையாளத்தில் நித்யா மேனன் இடம்பெறும் காட்சிகள் குறைவாகவே இருக்கும். ஆனால் கன்னடத்திற்காக சில மாற்றங்களை செய்து வேதிகாவின் கேரக்டர் படம் முழுவதும் வருவது போல மாற்றியுள்ளார்களாம்.