வேற்றுக்கிரக மனிதரய்யா நீங்கள் : பஹத் பாசிலுக்கு விக்னேஷ் சிவன் புகழாரம் | இது என்ன பாகிஸ்தானா? : நடிகை ஹர்ஷிகா பூனாச்சா ஆவேசம் | அரசியல் கட்சித் தலைவராக இருந்து விஜய் செய்தது சரியா ? | மோகன்லாலுடன் 56வது முறையாக ஜோடி சேரும் ஷோபனா | 'பிரேமலு 2' அறிவிப்பு : 2025ல் வெளியாகும்… | 'ரோமியோ' படத்தை 'அன்பே சிவம்' படத்துடன் ஒப்பிட்ட விஜய் ஆண்டனி | ஓட்டு கூட போடாத திரைப்பிரபலங்கள்...! | விஜய்யைக் காப்பியடிக்கும் விஷால் : ரசிகர்கள் கிண்டல் | தொடர் தோல்வியில் தவிக்கும் அக்ஷய் குமார் :'சர்பிரா' காப்பாற்றுமா ? | பிரித்விராஜ் - ஏ.ஆர்.ரஹ்மான் இருவருமே உதவி செய்தார்கள் : ஆடுஜீவிதம் ரியல் நஜீப் தகவல் |
சுமார் 250 படங்களுக்கு மேல் நடன மாஸ்டராக பணியாற்றியவர் பாப்பி. தற்போது பரத் நடித்துள்ள சிம்பா, கெளதம் கார்த்தியின் இவன் தந்திரன், கரு.பழனியப்பனின் கள்ளன் உள்பட பல படங்களுக்கு பிசியாக நடனம் அமைத்து வருகிறார். தினமலர் இணையதளத்திற்காக அவர் அளித்த பேட்டி...
தற்போது நடனம் அமைத்து வரும் படங்கள் பற்றி?
என்னை சினிமாவில் நடன மாஸ்டராக்கியவர் டைரக்டர் ஆர்.கண்ணன். பரத் நடிப்பில் அவர் இயக்கிய கண்டேன் காதலை படத்தில் என்னை மாஸ்டராக்கினார். நான் ரொம்ப பயந்தேன். அவர்தான் எனக்கு தைரியம் கொடுத்து அந்த படத்தில் என்னை நடன மாஸ்டராக அறிமுகம் செய்தார். தொடர்ந்து வாய்ப்பளித்தவர் இப்போது கெளதம் கார்த்திக்கை வைத்து தான் இயக்கியுள்ள இவன் தந்திரன் படத்திற்கும் என்னை நடனம் அமைக்க வைத்திருக்கிறார்.
இவன் தந்திரன் படத்தில் இரண்டு பாடல்களுக்கு நடனம் அமைத்துள்ளேன். ஒன்று டூயட், இன்னொன்று போக், மிக ஸ்டைலிசான அசைவுகளை கொடுத்து நடனம் அமைத்துள்ளேன். அதேபோல், பரத்தின் சிம்பாவில் ரொம்ப யூனிக்காக யாருமே யூஸ் பண்ணாத மூவ்மென்ட் கொடுத்து நடனம் அமைத்துள்ளேன். இதுக்கு அப்புறம் கள்ளன், கரு.பழனியப்பன் நடிக்கிற படம். அதுதவிர ஒரு கன்னட படம். மேலும், இவன் தந்திரன் படத்தில் ஒரு சின்ன மியூசிக் பிட்டில் நடனமாடியிருக்கிறேன்.
செக்ஸியான மூவ்மென்டைதான் யூத் ஆடியன்ஸ் அதிகமாக ரசிப்பதாக சொல்கிறார்களே?
அப்படியெல்லாம் இல்லை. குத்துப்பாட்டையும் ஒரு ஸ்டைலா பண்ணினால் ரொம்ப ரசிக்கிறாங்க. கவுதம் கார்த்திக் படத்துல அந்த மாதிரி ஒரு போக் ஸ்டைலில் மாஸான சாங் பண்ணியுள்ளேன். மூவ்மென்டுக்கு ஜனங்களாக ஒரு பேர் வைக்கிறாங்க. நாங்க ஒன்னு பண்ணினா விஜய் டிவி நிகழ்ச்சிகளில் நடனமாடுபவர்கள் அவங்களாக ஒரு பேர் வைக்கிறாங்க. மேலும், இப்பல்லாம் காலேஜ் பசங்க, ரொம்ப ஸ்டைலிசா கை ஆக்சனோடு ஹிப் ஹாப் லாக்கிங் எல்லாம் போயி வேற வேற பாணியில் ஸ்டைலிசாக ஆடுறாங்க. அவங்களுக்கு ஏற்ற மாதிரி நம்மளும் புதுசா பண்றதுதான் நல்லாயிருக்கும்.
மொழிவாரியாக நடனம் வித்தியாசப்படுகிறதா?
மொழிக்கும், நடனத்துக்கும் சம்பந்தமே இல்லை. கான்சப்ட் சொன்னாங்கன்னா அதற்கு தேவையான மூவ்மென்ட் கொடுக்க வேண்டியதான். பாடலோட மீனிங் தெரிஞ்சா போதும். அதற்கு தேவையான நடனத்தை கொடுப்போம். எல்லா ரசனையும் ஒரே மாதிரியாகத்தான் உள்ளது. மேலும், நடிகர்களுக்கு தகுந்தார் போன்று மூவ்மென்டை மாற்றுவோம்.
விஜய்-அஜித் ஆகிய இருவரில் நடனத்தில் யார் சிறந்தவர்களாக கருதுகிறீர்கள்?
எனக்கு அஜித், விஜய் படங்களில் நடன மாஸ்டராக ஒர்க் பண்ண ரொம்ப ஆசை. அதோடு, இப்பல்லாம் எல்லா ஹீரோக்களுமே பாட்டுக்கு தகுந்தபடி நல்லா தான் ஆடுறாங்க. முதல்ல விஜய் நல்லா ஆடுறாருன்னு சொன்னாங்க. அஜித் ஆளுமா டோளுமா பாடலில் சூப்பரா ஆடிட்டாரு. அந்தவகையில், விஜய், அஜித் இருவருமே கிடைக்கிற பாடல்களில் சூழலுக்கேற்ப புகுந்து விளையாடுறாங்க. இரண்டு பேருமே நடனத்தில் கில்லாடிங்க தான். அப்புறம் சூர்யாவும் செமயா ஆடிக்கிட்டிருக்காரு, சிம்பு, தனுஷ், கார்த்திக், விஷால்ன்னு இப்ப யாரையும் குறைத்து மதிப்பிட முடியாது. கிடைக்கிற பாடல் சூழலைப்பொறுத்து அதற்கேற்ப நல்லாவே ஆடுறாங்க என்கிறார் டான்ஸ் மாஸ்டர் பாப்பி.