Dinamalar

3 மாஜி ஹீரோயின்கள் ஏன்? - பிரம்மா விளக்கம்

ஜோதிகா நடிக்க சூர்யா தனது 2டி என்டர்டெயின்மெண்ட் மூலம் தயாரிக்கும் படம் மகளிர் மட்டும். இதில் ஜோதிகாவுடன் சரண்யா, ஊர்வசி, பானுப்ரியா என மூன்று மாஜி ஹீரோயின்கள் நடிக்கிறார்கள். படத்தில் ஜோதிகா ஒரு ஆவண பட இயக்குனர். அவர் மூன்று விதமான பெண்களின் வாழ்க்கையை ஆவணப்படமாக இயக்குகிறார். அந்த 3 பெண்கள் தான் இந்த மாஜி ஹீரோயின்கள். அவர்கள் தங்கள் வாழ்க்கையை சொல்வலும், ஆவணப்படப்பிடிப்பில் ஜாலியாக கலந்து கொள்வதுமான திரைக்கதை என்பது கசிந்த வரையில் தெரிந்த கதை.

மூன்று மாஜி ஹீரோயின்களை நடிக்க வைத்தது ஏன் என்பது பற்றி இயக்குனர் பிரம்மா கூறியதாவது: இந்த கதைக்கு மூன்று விதமான குணாதிசயங்கள் கொண்ட பெண்கள் தேவைப்பட்டார்கள். இதற்கு சில குணசித்திர நடிகைகளை நடிக்க வைத்திருக்கலாம். ஆனால் மக்களுக்கு ஏற்கனவே அறிமுகமான தனித்தனி குணாதிசயங்கள் கொண்டவர்களை நடிக்க வைத்தால் மக்களுக்கு சொல்ல வந்த விஷயம் எளிதாக சென்றடையும் என்பதால் அவர்களை தேர்வு செய்தேன். இந்த மூவரின் படங்களை தொடர்ந்து பார்த்து வருகிறேன். அவர்கள் எந்த கேரக்டரில் நடித்தாலும் அவர்களின் தனித்தன்மை வெளிப்படும். ஊர்வசி எதையும் ஜாலியாக எடுத்துக் கொள்கிற கேரக்டர், சரண்யா அன்பை பொழிகிறவர், பானுப்பிரியா வெகுளியானவர். இந்த குணாசிதியங்கள் அவர்களின் படங்களில் வெளிப்பட்டவை. அது எனக்கு தேவைப்பட்டது. அதற்காக அவர்களை தேர்வு செய்தேன். என்கிறார் பிரம்மா.

• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?
• 
  ‛ஜவான்' பாடலுக்கு நடனமாடிய மோகன்லால் : ஷாருக்கான் நன்றி
• 
  அயோத்தியில் இடம் வாங்கிய அமிதாப்பச்சன்

• 
  நகைகள் மாயமானதாக புகார் : ஞானவேல்ராஜா வீட்டு பணிப்பெண் தற்கொலை முயற்சி
• 
  துருவ் விக்ரமிடம் பேச்சுவார்த்தையை தொடங்கிய சுதா
• 
  ‛இந்தியன் 2' படத்தின் தாத்தா வராரு என்ற முதல் பாடல் விரைவில் வெளியாகிறது
• 
  நடிகர் மன்சூர் அலிகான் காங்கிரஸ் கட்சியில் இணைகிறார்
• 
  வடக்கன் பட டீசர் வெளியானது